Onddo sasoia

Onddo xuri,
onddo papun,
ondo beltza
lurraren emaitza !

Belar finean gibelurdina,
oinez xuri, buruz urdina,
egiazko jaki fina !

Gorringoa sortzean,
arroltzearen pare,
xapel* gorria lanjerean,
heldu bada bare !

Xixahori laranja,
herabe bezain on
lupuen zorion !

Soroaren erdian,
pentze onddo baketsu,
aise ikusten dena,
nahiz eta izan itsu,
izanik ere xuri putxuka
zure xapel* hodeitsu,
ez duzu nigan pizten su !!!

Luixa Giltzu

*xapel : txapel