Adiskide honak - Zubereraz

Flammarion Père Castor saileko Les bons amis albumaren itzulpena, CD batean grabatua.

lehen eta bigarren zikloko ikasleentzat.

Ipuina entzungai

Zati bat

"Elürra ari da eta ari : xuri-xuria da kanpo güzia. Untxi txipi horrek ez dü deüs ere jateko. Deüs. Borta zabaltzen dü : "Bru... Zer hotza !" ... "

Ustiapen pedagogikoa

Sarean

aiaraldea.com

http://www.aiaraldea.com/proposamenak/literatura/adiskide-honak

Hona hemen ikas euskal pedagogia zerbitzuak zubereraz plazaratu duen ipuin sail baten lehen titulua: “Adiskide honak”. Beste hiru ipuinekin osatzen da, gaur-gaurkoz, bilduma hau: “Gatu ttipi galdua”, “Hiru xerri txipi” eta ”Ahüntza eta ahüneak”.

Ipuin bakoitza bere CDarekin dator, eta bertan ipuina euskara batuan eta zubereraz entzun dezakegu.Testuak Jean-Louis Davantek euskaratuak eta ahotsa, Xan Errotabeherek (euskara batuaren bertsioan) eta Dominique Rekaltek (zubererazkoan) ezarria.

Irudiak, berriz, “Gatu ttipi galdua” ipuinarenak izan ezik -azken hauek Albertine Delataillek egin baititu- beste guztiak Gerdak eginak dira.

Marrazkiak ezinago politak dira, bai kolorean, bai trazuen gozoan... samurtasuna darie alde guztietatik. Azpimarratzekoa da, halaber, zein ondo dauden landuak ipuinaren bi alderdiak: testua eta irudia; irudien nagusitasuna nabarmena bada ere, ume txikientzako ipuinen ezaugarria baita hori, testua oso adierazkorra da: onomatopeiak, errepikapenak, galde-erantzunak, esapideetan eta sonoritatean ahozkotasunak berezko dituen ezaugarri guztiak antzematen zaizkio. Honela bada, esan dezakegu oreka polita lortua dela irudi eta testuaren artean.

Ipuinaren itxura edo formatuari dagokionez, neurrikoa duzu, ez handi ez txiki; arina, oso erosoa haurrari altzoan duzula irakurtzeko; edonora poltsoan eramateko edo, autoan diskoa entzuten zoaztelarik, marrazkien bitartez kontakizunari jarraitzeko. Ipuinek daukaten funtzio pedagogikoa ukaezina da, esan beharrik ez dago, giza balioen transmisioan paper nagusi bat betetzen dutela. Kasu honetan, “Adiskide honak” ipuinean azaltzen zaizkigu adibidez, adiskidantza, elkarri laguntzea, eskuzabaltasuna eta elkartasuna.

Ipuinak irakurtzeko bakarka isilpean, ozenki taldean; kontatzeko, antzezteko eta batez ere entzuteko direlako a zer gozamena dan gureak bezalako hegoaldeko belarrientzat zubereraz aditzea!

Begitu zenbat aukera eskaintzen zaigun hain prezio apalean. Eta irrien lagunak garelako, zabaldu nahi ditugulako irrien olatuak Bizkaitik Zuberoraino, zuberera hurbiltzeko, ezagutzeko, maitatzeko eta geurea ere badelako, guk ez badugu balioesten, nork egingo du? Erdaldun elebakarrak?

Gorago aipatutako balioen transmisioaren harira eta amaitzeko ipuin baten modura ene lagun maitea, transmisioaren katean izan gaitezen kate-begia eta ez eten itsua.

Biba Xiberua!