Ile-apaindegian - antzerkia

Bezeroa: Egun on, jauna (edo anderea)

Ile-apaintzailea: Bai, zuri ere! Tenorean ttanko heldu zirela, zu!

Bezeroa: Bazeneki zein asea naizen ile hauetaz!

Ile-apaintzailea: Zer dute, ba? Zer duzu arrangura?

Bezeroa: Ez duzu ikusten? Alde guzietara abian zaizkit eta ez ditut gehiago gobernatzen ahal!

Ile-apaintzailea: Zaude gustuan! Lehenik xanpu on batekin goxatuko dizkizut eta gero punta idor horiek moztuko. Ikusiko duzu nola menderatuko ditugun.

Bezeroa: Bai, baina kasu ! Bazterretan gibelean baino luzexeago nahi ditut.

Ile-apaintzailea: Nahi duzun bezain luze utziko dizkizut. Egin ahala ontsa eta azken modan ezarriko dizkizut.

Bezeroa: Entzun duzuia zer istripu larria gertatu den Baionako bidean?

Ile-apaintzailea: Bai! Zuraideko bi gazte omen ziren!

Bezeroa: Lerratu omen dira arroilan sartu aitzin. Gaixoak! Ospitalean omen dira biak arrunt kinka txarrean!

Ile-apaintzailea: Hara! (Miraila hartzen du eta gibelaldea erakusten dio) Satifos zarea?

Bezeroa: Arrunt kausitu didazu! Hori nuen amesten! Zer aiztur-ukaldi ona duzun!
Milesker. Zenbat zor dizut?

Ile-apaintzailea: 25 euro.

Bezeroa: Horra 30 eta denak atxik! Lan onak ordain ona merezi du! Ondoko egunak arte.

Ile-apaintzailea: Milesker eta ez adiorik!

Jokalariak: Ile-apaintzailea eta bezeroa
Autorea: Kattalin Sallaberry
Argitaratzailea: Ikas
Argitaratze data: 2010/12/21
Maila: 3. ziklotik goiti

Ile-apaindegian
Kattalin Sallaberryren antzerkia
Deskargatu (32.4 KB)
Euskara PDF Antzerkiak CM1 - 4. urtea Kolegioa - 6.a CE2 - 3. urtea CM2 - 5.urtea Kolegioa - 5.a Kolegioa - 4.a Kolegioa - 3.a Helduen erakaskuntza