Hiru haurrak batera: Ama, gose gara!
Ama: Zaudete istaño bat, egun menu berezia egiten baitizuet. Anartean, mahaia ezar ezazue eta jar zaitezte.
Ama: Hara, Pette, zuri lur-sagar purea egin dizut xingar xuriarekin.
Pette: Egiazko purea? Milesker, ama. Arratsetan hori da gehienik maite dudana.
Ama: Zuri, Margarita, tomate beteak irrisarekin prestatu dizkizut.
Margarita: Hummmm! Zer asea eginen dudan!
Kattina: Eta niri, zer egin didazu?
Ama: Zuri, azietatara bat gauza on apailatu dizut: arroltze gogor bat, bi tomate xerra, entsalada hosto bat, koilatara bat arto, lukainka bat.
Pette: Eta deserta gisa zer emanen diguzu?
Ama: Hautua baduzue : izozki bat, fruitu bat, esneki bat edo pastizeria bat.
Margarita: Zein ontsa! Iduri du jatetxean garela!
Kattina: Bai eta gainera kitorik da!
Ama: Ez da arras kitorik: muxu bedera emanen didazue.}

Jokalariak: Hiru haur (Pette, Margarita, Kattina) eta ama (edo aita)
Autorea: Kattalin Sallaberry
Argitaratzailea: Ikas
Argitaratze data: 2010/12/21
Maila: 3. ziklotik goiti