Ofizioak - antzerkia

Irakaslea: Zer ofizio egin nahi zenukete ? Bakoitzak bere gogoa erran beza.

1. ikaslea: Nik, etxeak eraiki nahi nituzke. Etxe handi eta azkarrak eraiki nahi nituzke. Hargin izan nahi nuke.

2. ikaslea: Nik eriak artatu nahi nituzke, pikurak egin eta sendagaiak eman eta bereziki gaizki direlarik kemena eman.

Irakaslea: Sendagile beraz?

2. ikaslea: Ez, erizain klinika edo ospitale batean.

3. ikaslea: Nik kanpoko lanak maite ditut eta laborari izan nahi nuke. Ardi tropa bat banuke eta gasnak eginen nituzke, Lapurdi osoko gasna hoberenak.

4. ikaslea: Nik, haurrak zaindu nahi nituzke. Eskola batean edo haurtzaindegi batean lan egin nahi nuke. Uste dut ttipiekin lan egitea nahiago nukeela.

Irakaslea: Eta zu, mutu zaude. Zer da zure ametsa ?

5. ikaslea: Marexal izan nahi nuke, abereak sendatu nahi nituzke.

6. ikaslea: Nik iturgin izan nahi nuke, aita bezala. Berogailuak, ur-hodiak, garbigelak muntatu nahi nituzke.

7. ikaslea: Okin izan nahi nuke, egun guzia usain gozoen artean iragan. Mota eta kolore guzietako pastizak egin nahi nituzke. Erosleak pozik lirateke nirekin !

8. ikaslea: Kamioi-gidari izan nahi nuke. Mundu guzia kurritu nahi nuke, egun batez hemen, biharamunean beste nonbait; xoria bezain libre nintzateke.

9. ikaslea: Ile-apaintzaile izan nahi nuke. Bezero bakoitzari erranen nioke ileak nola moztu, nola koloreztatu, nola apaindu behar lituzkeen.

10. ikaslea: Nik baratzezain izan nahi nuke. Orain jendeak ez du astirik bere kanpoa txukun atxikitzeko. Segur naiz lana banukeela belar eta hesi mozten eta lili ereiten.

11. ikaslea: Nik ordenagailuekin lan egin nahi nuke. Gure etxekoa beti panan da eta aldi guziez teknikari bat jinarazi behar dugu. Nihaurek ikasiz nihaurek konpon nezake!

5. ikaslea: Eta zuk, beste lanbide bat hautatu behar bazenu, zein hauta zenezake?

Irakaslea: Ez duzue sekula asmatuko : IRAKASLE, zuek bezalako ikasle zintzoekin lan egiteko.

Ikasle guziak oihuka: UEEEEEEEE!!!!!!!!!!!!!

Jokalariak: Irakaslea eta 11 ikasle
Autorea: Kattalin Sallaberry
Argitaratzailea: IKAS
Argitaratze data: 2010/12/21
Maila: 3. ziklotik goiti

Ofizioak
Kattalin Sallaberryren antzerkia
Deskargatu (34.1 KB)
Euskara PDF Antzerkiak CM1 - 4. urtea Kolegioa - 6.a CE2 - 3. urtea CM2 - 5.urtea Kolegioa - 5.a Kolegioa - 4.a Kolegioa - 3.a