Elur-Xuri - Batuaz

Flammarion Père Castor saileko Blanche-Neige albumaren itzulpena.

CP eta CE1 mailetako ikasleentzat.

Laburpena

Elur-Xurik amaizunaren jelosia jasaten du ; beharrik zazpi ipotxek lagunduko dutela.

Père Castor saileko Grimm anaien ipuin famatua, ilustrazio berriekin.

Zati bat

"Behin bazen erregina bat, leiho aitzinean josten ari zena. Negua zen. Elurra ari zuen. Erreginak behatza orratzaz ziztatu zuen eta hiru odol xorta elurrera isuri ziren. - Ai ! auhendatu zuen orduan. Zenbat gustatuko litzaidakeen larrua elurra bezain xuri, matelak odola bezain gorri eta ileak leiho honetako zura bezain beltzak lituzkeen hau baten ukaitea ! (...)"

Ustiapen pedagogikoa

Ustiapen pedagogiako pista batzuk :
- http://materalbum.free.fr/blancheneige/fichiers.htm

Sarean

Ipuin laguna

Oroimena oso jostaria dela frogatu nahi baduzu, har ezazu liburuxka hau, Edurne Zuriren ipuina da. Irakurri eta hausnartu apur bat. Harrituko zaitu, zenbat xehetasun ahaztuak, zenbat uste eraitsiak!

Ahalegina ez da luzea, 24 orrialde doi-doia dituen azal biguneko 18x21 cm-ko liburuxka bat da, Grimm anaien Edurne Zuri ospetsuaren bertsio fidela.

Hizkera garbia du, sotila, ahoz gora irakurtzeko egokia. Ekialdeko euskara batuan idatzita dago, izenburuak salatzen duen bezala, baina hegoaldeko irakurlearentzat trabarik ez duena, hitz honekin edo harekin katramilatzeko seta agertu ezean.

Irudiek orrialde osoak hartzen dituzte, beltza, zuria eta gorria nagusi. Maiz beltzaren kontrastean ezarritako zuri-gorria eta kolorea berdearekin eta urdinarekin emana. Kolore eta formaren tratamenduak ordenagailu bidezko lanaren estetika du, clip-artetik gertu.

Protagonista, badakigu, Edurne Zuri da eta ekintzak neskatoak zazpi urte beteak dituela abiatzen dira, amaorde gaiztoak Edurne basora bidaltzen duenean, ehiztariak hil dezan. Nahikoa arrazoi pentsatzeko lehen irakurraldia heldu baten bitartekaritzarekin egitekoa dela. Agian bien artean irakurri eta ikustekoa. Eta gogoratu ez dela zertan agerian jarri obra honek kanpoko arriskuez emandako lezioa duela bere baitan, esanak obeditzearen garrantziaz diharduela... utz diezaiogun ipuinari bere lana egiten, berak badaki-eta nola hitz egin haurrei.

http://paperekoa.berria.info/plaza/2013-03-31/036/006/ipuin_laguna.htm

Mayalen Goust - Ilustratzailea «Elur-Xuriri itxura moderno eta grafikoa eman nahi nion»

Nork ez ditu ezagutzen Edurne Zuri eta zazpi ipotxak? Mayalen Goust ilustratzaileak ere mila bider entzuna du istorio ezaguna. «Obra klasiko eder eta handia» ilustratzeko eskatu ziotenean, gustura onartu zuen erronka. Istorioari itxura moderno eta
grafikoa eman nahi izan dio. Ikas euskal pedagogia zerbitzuak argitaratu du Gousten lan ederra. Elkarrizketa honetako ilustratzailearen hitzak ere Ikaseko lagunek itzuli dituzte euskarara. (...)

JPEG - 444.3 KB
1 gatilu

http://www.galtzagorri.org/