Petit Bouquinville ekitaldiaren karietara, Libreplume elkarteak Elena Odriozola ilustratzailea gonbidatu du. Apirilaren 29an, IKASekin batean, Kimua ikastolako bi ikastalderi eta Mugerreko Santa Mariako ikastalde bati joko bat proposatu die Elena Odriozolaren lanaren inguruan. Harekin elkartu dira eta hainbat galdera egin dizkiote: “Noiz egiten duzu lan?”, “Nondik heldu zaizu inspirazioa?”, "Zenbat liburu egin dituzu orotara?” “Arkatza erabiltzen duzularik, nola egiten duzu hain kolore biziak ateratzeko?” Galdera ttipiak eta handiak, parada on bat ilustratzaileen eta liburuen mundura sartzeko, literatura hobeki ezagutzeko eta maitatzeko...