Albumetik bideora. Irakurketari zentzua emateko proiektu bat.

Larresoroko eskola publikoko Maia Lamensans irakasleak 2015-2016 ikasturtean proiektu bat eraman zuen 12 ikaslerekin (CPtik CM2ra). Galtzerdi marradunak albumetik abiatuz eta Kanalduderen laguntzarekin, stop motion teknika erabiliz bideo bat sortu zuten.
Delphine Goyenecheren album hori egokia iduritu zitzaion haurrak hunkitzen dituen gaiak aipatzen dituelako (eskolako bizia, desberdintasuna, autismoa...) bai eta euskal mitologian oinarritua delako.

CPkoek eta CE1ekoek albumaren bidez irakurketa landu zuten, eta aitzinamendu handia ikusi zuen Maiak, haurrek lan horri zentzua ikusten ziotelako : “grabatua izanen naiz, beraz ongi irakurri behar dut, ongi ulertua izateko gisan”.

Handiek film-haria idatzi zuten, eszena bakoitza mugatuz, elkarrizketak moldatuz eta pertsonaien mugimendua zehaztuz. Gero, denek leku-irudikapenak sortu zituzten eta etxetik playmobilak ekarri.

Grabaketa egunean, pertsonaien mugiarazteko, haur guziek eszenen antolaketan parte hartu zuten, Kanalduderen material modernoaz eta harrigarriaz inguraturik.

Haur eta buraso gutik ezagutzen zuten Kanaldude eta proiektuaren bidez ikasi zuten telebista eta tresna modernoak euskaraz ere badirela... Haurrek bideoa burasoen aitzinean aurkeztu zuten, eta denak egin lanaz harro gelditu ziren.

Kanalduderen webgunean ikusgai da :

(Proiektua gauzatu ahal izan zen eskolako burasoen elkarteari eta EEPren diru-laguntzari esker.)

Gelako leihotik : Patxi Zubizarretarekin
IKASOLAS