Testua: Uxue Alberdi; Irudiak: Maite Gurrutxaga
Elkar, 2015
Haizeak ufatzen du. Gaua da, hotz da eta euria ari du. Maite Gurrutxagaren irudien tinta beltzak eta marra zorrotzek mundu gogor eta ilun bat itxuratzen dute, mundu beldurgarri bat, dardararazten gaituena, uzkurrarazten gaituena.
Parean, Uxue Alberdiren olerki arina eta xehea berotasunaz eta biribiltasunaz ari da, babesten eta tinkatzen duten besoez. Maitasunak ateratzeko ahala ematen du, munduaren lanjerei buru egiteko indarra eta honen edertasuna prezatzeko gaitasuna. Maitasunak konfiantza ematen dio haurrari, euripean dantza egin dezake, bere hegalak heda ditzake, handi daiteke. Azkenean, bere aldi, gai da besteari bere indarraren emateko.
Liburua artoski landua da, eta hunkigarria; familiaren goxotasunean irakurtzekoa kanpoan ekaitzak jotzen duelarik.
http://bit.ly/besarkada helbidean albuma atzemanen duzu irudien eta musikaren bidez lagundurik.

Haur eta gazte literaturaren beste aurkezpen batzuk atzemateko, ikus Bilketaren webgunea
IKASOLAS