Kanpoko berriak

Ezagutzen ote dituzue euskarazko haur eta gazte literaturaren arloan lan egiten duten bi elkarte horiek?
Libreplume
Baionan kokatua da eta urtean zehar ipuin kontaketak eta tailerrak eskaintzen ditu bere egoitzan edo eskoletan. Petit Bouquinville gertakariaren karietara, euskarazko egileak gonbidatzen ditu eta euskarazko tailerrak eta ikusgarriak antolatzen.
Ondoko animazioa: Pijama gaualdia, azaroaren 4an, 20:00etan, Baionako Santa Katalina karrikan, 31. (4 urtetik goiti. Urririk)
www.libreplume.fr

Galtzagorri elkarteak
Irakurtzeko zaletasunaren sustatzeko Galtzagorrik ekimenak, formakuntzak eta tresnak sortzen ditu.. www.galtzagorri.eus
Argitaratzen duen Behinola aldizkarian literatura-kritikak eta artikulu aberatsak eskaintzen ditu haur eta gazte literaturari buruz. (Ikasen mediatekan ikusgai)

Horra aukera on bat ikasleen idazketa bultzatzeko: Pamiela argitaletxeak eta Euskokultur Fundazioak 10. Mikro-ipuin lehiaketa antolatzen dute. Lehiaketa Nafarroa Garaiko ikasleei zuzendua da, baita Zuberoa, Lapurdi eta Baxe Nafarroako ikasleei ere, eta 100 hitz baino gutiagoko ipuin bat euskaraz idaztea da helburua.
Xehetasun gehiago: http://www.euskokultur.eus/web_eu/mi_eu.html

Bestalde, Durango azoka hurbiltzen ari zaigu (2016ko abenduaren 2tik 6ra).
Haur eta gazte literaturak leku berezia du: Saguganbara. Han, irakurketa aktiboaren bultzatzeko, idazleen aurkezpenak, tailerrak eta ekintza bereziak antolatzen dira.. http://saguganbara.durangokoazoka.eus/eu/
Iparraldeko sorkuntzak atzemanen dira ere, argitaletxe bakoitzak bere berritasunak aurkezten baititu (Maiatz, ZTK, Gatuzain, Elkar, Zortziko, Ikas...).