Erakusleihoa: Bi kobazulo (IKASOLAS)

Behin bazen mundu baketsu eta orekatu bat, eta mundu hori Ostadarraren Bailara deitzen zen. Baina egun batez liskar bat piztu zen; mundua lehertu zen eta bitan zatitu. Alde batean ospel gelditu zen: hotza, hezetasuna eta iluntasuna nagusitu ziren. Beste aldean, berriz, bero zen eta idor, eta hango eguzkiaren argiak erretzen zuen.
Bi haurren kuraia beharko da (eta haien amatxiren laguntza), munduak bere batasuna berriz kausi dezan.

Ipuin mitologiko hori historiaurrean kokatua da eta kontakizun eta irudien bitartez, irakurlea garai hartako eguneroko bizitzan sartzen da. Marrazkiek ulermena errazten dute, adibidez, istorioak bi mundu aurkariak irudikatzean.
Bestalde, marrazkiek kontakizunaren egitura ere ulertzen laguntzen dute, hau haurrentzat korapilatsu gerta baitaiteke. Alabaina, biziki interesgarria da literatura mailan mise en abyme-aren prozedura erabiltzen duelako: ipuin bat kontatua zaigu ipuin nagusiaren barnean. Eta aldi bakoitzean denboran jauzi bat egiten da.

Ikuspegi filosofikoa ere lant daiteke, adibidez, munduaren osatzeko denetarik behar dela gogoetatzeko. Platonen Androginiaren mitoaren aztarnak ikus daitezke ipuin horretan: jendeak, aspalditik galdu zuen erdia berriz atzemanez, bere osotasuna eta urostasuna berreskura lezake. Baina haurrekin bide eztabaidagarri honetan menturatu gabe ere, aski aberatsa da ipuin hori.

Bi kobazulo
Alberdi, Uxue, Egilea; Olariaga, Antton, Irudigilea. -
Elkar, 2015. (Kuku saila) - 7-10 urte

Ikus 2017ko urtarrileko erakusleihoa: Pentsatzeko txokoa
IKASOLAS