Beldar Gosetia
Eric Carle-ren The very hungry caterpillar albumaren itzulpena.
Bereziki GS eta CP mailako ikasleentzat.
Sarean
Pinpirin ederra bilakatu zen beldar ñimiñoaren istorioa
http://www.argia.com/argia-astekaria/2081/pinpirin-ederra-bilakatu-zen-beldar-niminoaren-istorioa
Ikas pedagogia zerbitzuak plazaratutako haurrentzako liburua da Beldar gosetia. Pinpirin –tximeleta edo inguma ere deitzen zaio hego koloretsu zoragarriak dituen intsektu honi– bilakatu arte beldar txikiak jaten dituen gauza guztien azalpena da. Sagarrak, udareak, aranak, marrubiak, laranjak, izozkiak, gazta, salamia, lukainka eta beste gauza asko irensten ditu beldar horrek, asetu eta sabeleko minez bukatu arte. Eta liburuak jandako guztien irudiak biltzen ditu, baita pinpirin koloretsu bilakatu den beldarrarena ere.
Eric Carleren beldar koloretakoa
{{Kirmen Uribe}}
2021ko maiatzak 31
Eric Carlek esan omen zuen berak ez zuela nahi bere liburuak gurasoek hautatzea umeentzat, liburu dendara edo liburutegira joaten zirenean, berak nahi zuen umeek beraiek hautatzea. Eta benetan asmatu zuen horretan. Eric Carleren liburuek forma ez ohikoa dute, eta kolore biziak dituzte. Umeek, gurasoen laguntzarik gabe, irakurtzen jakin gabe ere, haren liburuak aukeratzen, ulertzen eta maitatzen dituzte. Gure etxean ere halaxe gertatu zen. Carleren beldar gosetia, The Very Hungry Caterpillar, haurren ohean egoten zen gauero, beraiekin batera egiten zuen lo, izara artean. Hostoak jan eta jan dabilen beldar koloretakoa, azkenean mitxeleta bihurtzen den arte.
Eric Carle zendu berri da 91 urterekin. New Yorken jaio zen, Siracusan, migrari alemanen familia batean. Baina nonbait herrimin ziren eta Alemaniara bueltatu ziren Eric txikiak sei urte zituela. Aitarekin batera joaten zen basora eta hark animalia txikien garrantziaz ohartarazten zion. Animalia handiak oso ezagunak dira, denok ikusten ditugu, baina txikirik gabe natura ez zen biziko. Idazten zuenean aitarekin egindako mendi buelta haiek etortzen zitzaizkion burura. “Heldu baten tresnak eta jakituria nituen, baina arima, sei urtekoa”.
Bigarren Mundu Gerra hasi zenean aita nazien armadan engaiatu zuten. “Itzuli zenean ez zen pertsona bera, hondatuta zegoen, fisikoki eta psikologikoki”, idatzi zuen aitari buruz. Handik gutxira, 50eko hamarkadan New Yorkera bueltatu zen Eric, 40 dolar patrikan. Eta marrazten eta idazten hasi zen. Nazien kolore gris eta marroiak ahaztu nahi zituen eta horregatik dira bere liburuak hain koloretsuak, hain bizizaleak.
Joan zaigu Eric Carle, gure umeekin hainbeste momentu on eman digun artista bikaina, haur eta gazte literaturan handienetakoa. Hil da baina bere sei urteko arima gurekin geratu da. Arima ala, mitxeleta koloretakoa, esan beharko nuke.
https://www.berria.eus/podcast/new-yorkeko-munduak/eric-carleren-beldar-koloretakoa.html
Euskara
Literatura albumak
Janaria
Zenbakiak
Beldarra
GS - 5 urtekoak
CP - 1. urtea
CE1 - 2. urtea
http://www.argia.com/argia-astekaria/2081/pinpirin-ederra-bilakatu-zen-beldar-niminoaren-istorioa
Ikas pedagogia zerbitzuak plazaratutako haurrentzako liburua da Beldar gosetia. Pinpirin –tximeleta edo inguma ere deitzen zaio hego koloretsu zoragarriak dituen intsektu honi– bilakatu arte beldar txikiak jaten dituen gauza guztien azalpena da. Sagarrak, udareak, aranak, marrubiak, laranjak, izozkiak, gazta, salamia, lukainka eta beste gauza asko irensten ditu beldar horrek, asetu eta sabeleko minez bukatu arte. Eta liburuak jandako guztien irudiak biltzen ditu, baita pinpirin koloretsu bilakatu den beldarrarena ere.
Eric Carleren beldar koloretakoa
{{Kirmen Uribe}}
2021ko maiatzak 31
Eric Carlek esan omen zuen berak ez zuela nahi bere liburuak gurasoek hautatzea umeentzat, liburu dendara edo liburutegira joaten zirenean, berak nahi zuen umeek beraiek hautatzea. Eta benetan asmatu zuen horretan. Eric Carleren liburuek forma ez ohikoa dute, eta kolore biziak dituzte. Umeek, gurasoen laguntzarik gabe, irakurtzen jakin gabe ere, haren liburuak aukeratzen, ulertzen eta maitatzen dituzte. Gure etxean ere halaxe gertatu zen. Carleren beldar gosetia, The Very Hungry Caterpillar, haurren ohean egoten zen gauero, beraiekin batera egiten zuen lo, izara artean. Hostoak jan eta jan dabilen beldar koloretakoa, azkenean mitxeleta bihurtzen den arte.
Eric Carle zendu berri da 91 urterekin. New Yorken jaio zen, Siracusan, migrari alemanen familia batean. Baina nonbait herrimin ziren eta Alemaniara bueltatu ziren Eric txikiak sei urte zituela. Aitarekin batera joaten zen basora eta hark animalia txikien garrantziaz ohartarazten zion. Animalia handiak oso ezagunak dira, denok ikusten ditugu, baina txikirik gabe natura ez zen biziko. Idazten zuenean aitarekin egindako mendi buelta haiek etortzen zitzaizkion burura. “Heldu baten tresnak eta jakituria nituen, baina arima, sei urtekoa”.
Bigarren Mundu Gerra hasi zenean aita nazien armadan engaiatu zuten. “Itzuli zenean ez zen pertsona bera, hondatuta zegoen, fisikoki eta psikologikoki”, idatzi zuen aitari buruz. Handik gutxira, 50eko hamarkadan New Yorkera bueltatu zen Eric, 40 dolar patrikan. Eta marrazten eta idazten hasi zen. Nazien kolore gris eta marroiak ahaztu nahi zituen eta horregatik dira bere liburuak hain koloretsuak, hain bizizaleak.
Joan zaigu Eric Carle, gure umeekin hainbeste momentu on eman digun artista bikaina, haur eta gazte literaturan handienetakoa. Hil da baina bere sei urteko arima gurekin geratu da. Arima ala, mitxeleta koloretakoa, esan beharko nuke.
https://www.berria.eus/podcast/new-yorkeko-munduak/eric-carleren-beldar-koloretakoa.html