Data nola idatz

Deklinabide? markaz

Astegunei eta hilabeteei inesiboaren? deklinabide marka eman behar zaie, edozein izen arrunten kasuan bezala, erran nahi baitu kontsonante baten ondotik -ean mugatu singularrean. Adibidez:

Negu honetako zein hilabetetan izan ditugu egunik hotzenak?
✅ Urtarrilean.
Urtarrilan.


Halaber, noizko adierazi nahi delarik:

Negu honetako zer garaitan izan ditugu egunik hotzenak?
✅ Urtarrileko oporretan.
Urtarrilako oporretan.

Hilabete izenek ez dute a erantsirik, astegunek ere ez.

  • Hilabeteen kasuan:

    ✅ Otsailean eta maiatzean gertatu da. —> ✅ Otsaileko eta maiatzeko oporretan gertatu da.
    Otsailan eta maiatzan gertatu da. —>❌ Otsailako eta maiatzako oporretan gertatu da.


    Gauza bera kontsonantez bukatzen diren beste hilabeteen kasuan:

    uztailean —> uztaileko
    apirilean —> apirileko, etab.


  • Halaber, astegunen kasuan:

    ✅ Astelehenean bilduko gara. —> ✅ asteleheneko bilkura
    ✅ asteazkenean, ostegunean, ostiralean, larunbatean

    Salbuespenak: asteartean eta igandean, bokal batez bururatzen baitira.

arte postposizioa?

arte postposizioa aitzin, absolutiboan (erran nahi baitu NOR kasuan) Ø marka erabiltzen da:

astelehen arte, astearte arte, otsail arte, agorril arte, etab.



Ohiduraren adierazteko

Ohiduraren adierazteko, inesiboaren marka pluralean eman behar da:

✅ Ostegunetan (komunzki) Angeluko merkatura joaten naiz. ❌ Ostegunean
✅ Igandeetan (usaian) lagunekin elkarretaratzen gara. ❌ Igandean



Data idazterakoan

Data idazterakoan, asteguna hiru moldetan eman daiteke:

Martxoaren 7an, osteguna / ostegunean / ostegunarekin, ezkonduko dira.
Martxoaren 7an, ostegunez, ezkonduko dira.


Gaiaren barnatzeko:

Euskal gramatika laburra: perpaus bakuna, Euskaltzaindia, 1993, 167. or.
https://www.euskaltzaindia.eus/dok/iker_jagon_tegiak/67697.pdf

Data nola adierazi, 37. araua, Euskaltzaindia, 1995
https://www.euskaltzaindia.eus/index.php?option=com_euskaltzaindiarenarauak&view=frontpage&Itemid=424&lang=eu&arauaId=37

Artikuluari erantzun

aurretiaz moderatua

Kontuz, zure iruzkina berrirakurria eta adostua izan eta agertuko da.

Nor zara?
Zure iruzkina hemen gehitu

Inprimaki honek SPIPen lastermarkak onartzen ditu [->url] {{gizena}} {etzana} <quote> <code> eta HTML kodea <q> <del> <ins>. Paragrafoen sortzeko, lerro huts batzuk utz itzazu.

Gako-hitz : - spip2spip -

Iruzkinak jarraitu: RSS 2.0 | Atom