Ere, Baita... ere, Ezta... ere

Ere-k bere ezkerreko osagaia? azpimarratzen du. Aitzineko erranaldiko pareko osagaiari kontrajartzen? dio.

Amaiak trena hartu behar du...
 ✅ ... Leirek ere garraio publikoa erabiliko du.
Amaiak trena hartu behar du...
 ✅ ... Metroa ere hartu beharko du ondotik.


Ere-ren eskuineko osagaiak aitzineko diskurtsotik errepikatuak dira anitzetan, eta isiltzen ahal dira. Isiltzerakoan, ere bai idaztea, edo azpimarratzen den elementua baita eta ere-ren artean kokatzea hobesten du Euskaltzaindiak:

Amaiak trena hartu behar du...
 ✅ ... Leirek ere (bai). ✅ Baita Leirek ere.
 ✅ ... (Bai eta) metroa ere. ✅ Metroa ere bai.
 ❌ ... Amaiak trena hartu beharko du ere.
 ❌ ... Metroa ere bai hartu behar du.
 ❌ ... Metroa ere baita (hartu behar du).
 ❌ ... Metroa baita ere (hartu behar du).


Ezeztapenetan?, ere ez izanen da, edo ezta... ere:

Amaiak ez du trena hartu behar...
 ✅ ... Leirek ere ez du hartu behar. / ✅ ... autobusa ere ez.
 ✅ ... Leirek ere ez.
 ✅ ... Ezta Leirek ere. / ✅ ... ezta autobusa ere.

- Erranaldia ezin da ere hitzaz hasi, ere-k ezkerrean azpimarratzen den elementua behar baitu.

Ere bai, metroa hartuko du./ ✅ Metroa ere bai.

- Gisa berean, erranaldia ezin da baita, ezta, baita ere edo ezta ere-rekin bururatu.

Nik baita ere. / ✅ Baita nik ere.

- Batzuetan, baita ere lokailu? gisa erabiltzen da. Horren saihesteko, bestelako lokailuak hobets: gisa berean, halaber, orobat, horrez gain, eta abar.

Artikuluari erantzun

aurretiaz moderatua

Kontuz, zure iruzkina berrirakurria eta adostua izan eta agertuko da.

Nor zara?
Zure iruzkina hemen gehitu

Inprimaki honek SPIPen lastermarkak onartzen ditu [->url] {{gizena}} {etzana} <quote> <code> eta HTML kodea <q> <del> <ins>. Paragrafoen sortzeko, lerro huts batzuk utz itzazu.

Gako-hitz : - spip2spip -

Iruzkinak jarraitu: RSS 2.0 | Atom