Mugagabea (1) - "Bi neskak egin dute" ala "Bi neskek egin dute"?

Forma mugagabean?, kasua edo postposizioa? zuzenean izenari gehitzen zaio:

Uztaritzeko bi neskak dantza ikusgarri bat egin dute.
(Bi neska horiek uztariztar neska guzietarik bi dira eta ordu arte ez aipatuak.)
Uztaritzeko bi neskek dantza ikusgarri bat egin dute.
(Bi neska horiek jada aipatuak izan dira edo gisa oroz badakigu nortaz ari garen.)
Uztaritzeko zenbait neskak dantza ikusgarri bat muntatu dute.
Uztaritzeko zenbait neskarekin dantza ikusgarri bat muntatu dute.



Forma mugatua, identifikagarria den entitate bati erreferentzia egiterakoan erabil (ikus 2. eta 4. adibideak):

Herriko bi plazatan musika emanaldiak antolatuko dira. (1)
(Herrian bi plaza baino gehiago dira eta bi horiek ez dira orainokoan aipatuak izan.)
Herriko bi plazetan musika emanaldiak antolatuko dira. (2)
(Herrian bi plaza dira bakarrik.)


Bihar 30 kazetariren aitzinean mintzatu beharra naiz. (3)
(30 kazetari dituen multzo bat)
Bihar 30 kazetarien aitzinean mintzatu beharra naiz. (4)
(jadanik aipatuak izan diren 30 kazetariak)

Bost ikastolek indarrak batu dituzte.” idatzi aitzin, pentsa testuan bost ikastola horiek aitzinetik aipatuak izan diren, edo nolabait ezagunak diren.
Hala ez bada, forma mugagabea erabili behar da: “Bost ikastolak indarrak batu dituzte.
Trebatzeko ariketak


Taula deskarga

Gaiaren barnatzeko:

EHULKU:
https://www.ehu.eus/documents/2660428/2753082/a_eta_mugagabea.pdf

EHUTSI:
http://www.ehu.eus/ehutsi/edukiak/informacion/ehutsi_070/eu_070/azalpenak.html

Morfosintaxiaren inguruko zalantzak eta argibideak, Eusko Jaurlaritzaren Argitalpen Zerbitzu Nagusia, Victoria-Gasteiz, 2011, 107. or., 5. kapitulua

Euskal Gramatika, Lehen Urratsak I, Euskaltzaindia, 1985, 168. orrialdea §4.2.2.2.1
https://www.euskaltzaindia.eus/dok/iker_jagon_tegiak/6844.pdf

Artikuluari erantzun

aurretiaz moderatua

Kontuz, zure iruzkina berrirakurria eta adostua izan eta agertuko da.

Nor zara?
Zure iruzkina hemen gehitu

Inprimaki honek SPIPen lastermarkak onartzen ditu [->url] {{gizena}} {etzana} <quote> <code> eta HTML kodea <q> <del> <ins>. Paragrafoen sortzeko, lerro huts batzuk utz itzazu.

Gako-hitz : - spip2spip -

Iruzkinak jarraitu: RSS 2.0 | Atom