“Erran duenez” ala “erran duenetz”?

• Galderak, beste perpaus baten barnean txerta daitezke. Kasu hauetan, ez da galdera ikurrik, eta aditzean -en/-enetz atzizkia gehitzen da. Bai/ez motako zehar galderetan, Iparraldean -enetz hedatua da:
  

  ✅ Ez dakit bozeramaileak halakorik erran duenetz. (= erran duen ala ez)

  
  

• Bestalde, -enez atzizkia (edo Iparraldean -enaz ) perpaus modaletan erabiltzen da, -enaren arabera , edo bait- lokuzioen baliokide^? gisa:
  

  ✅ Bozeramaileak erran duenez, greba heldu den astean hasiko da.
  ✅ Bozeramaileak erran duenaz, greba heldu den astean hasiko da.
  ✅ Bozeramaileak erran duenaren arabera, greba heldu den astean hasiko da.
  ✅ Bozeramaileak erran baitu, greba heldu den astean hasiko da.