Dudaken Hezkuntzako Estilo Liburu digitalaren aurkezpena urtarrilaren 29an Ikasen

Dudaken, Hezkuntzako Estilo Liburua izeneko hizkuntza tresna digitalaren egiten ari da Ikas, Iker zentroko hiru gramatikarirekin (Beñat Oihartzabal, Céline Mounole eta Maia Duguine), bai eta Antton Luku irakasle ohiarekin ere.

Tresna hori heldu den asteazkenean, urtarrilaren 29an, plazaratuko dugu prentsaurrekoaren karietara, 14:00etatik aitzina IKASen egoitzan.

Tresnaren helburua: fitxa sinple batzuen bidez, euskaraz usu egiten diren pettoei ohartaraztea eta huts horien zuzentzeko bideen eskaintzea (Edo / Ala; Zer / Zein; Bere / Haren; Bera / Berdina; Mugagabea^?, etab.)

Gaien arabera, fitxari behatzea aski da baina beste batzuetan formakuntza beharrezkoa da.

Hain zuzen gisa horretako formakuntza laburra asteazkenean berean antolatua du Ikasek, prentsaurrekotik landa, 15:00etatik 17:00ak arte, Céline Mounolek eta Maia Duguinek emanik, Ikasen egoitzan, 27 irakaslerentzat.

Xehetasun gehiagoren ukaiteko Ikasera dei, 05 59 93 24 80 zenbakira.