Luzera unitateak zertako?

MMH CM1, ikasgaien kaiera, 2. ikasgaia: Luzera unitateak

Bideoa deskargatu
Bideoa frantsesez
Fitxa pedagogikoa frantsesez
Transkripzioa

Transkripzioa

Egun on, Josefina eta Mattin. Zer etxola ederrak dituzuen! A! Etxolarik luzeena zein den jakin nahi duzue?
Baina zertan ari zara, Mattin? Zure etxolaren neurtzeko egur biribilak erabiltzen dituzu? Ideia ona duzu. Zure etxola... lau egur biribil bezain luzea da.
Eta zurea, Josefina? Bost egur biribil luze da. Iduri luke zure etxola dela handiena, Josefina.
Zer, Mattin? Zure etxola Josefinaren egur biribilez neurtu nahi duzu Josefinak berea zure egur biribilez neurtzen duen bitartean? Zergatik ez? Hara, orain zure etxola bost egur biribil luze da Mattin?
Eta zurea, Josefina, lau egur biribil luze?
Orduan, Mattinen etxola da handiena? Kontrakoa zen oixtian. Bitxi da.
A, egur biribil urdinak, egur biribil gorriak baino luzeagoak dira. Etxolak ez dira egur biribil desberdinez konparatzen ahal.
Ideia ona duzu, Josefina! Zuen etxolen neurtzeko, egur biribil berdinak erabili behar dira.
Josefinaren etxola bost egur biribil gorri luze da, Mattinena bezalakoa, xuxen. Ikusten duzue, egur biribil berdinak erabiliz, erran nahi baita luzera unitate bera, zuen etxolak luzera berekoak dira.
Orain, goratasuna neurtu nahi duzu? Ez duzu aski egur biribilik.
Zer egin nahi duzue? Biba zuek! Paper graduatu xingola hori erabiliz, egur biribilen beharrik ez duzue gehiago.
Paper xingola hamar egur biribil luze da. Zure etxola bederatzi egur biribil gora da, Mattin.
Zurea ere, Josefina. Berdin berdin. Zuen etxolek ber goratasuna dute. Zuen etxolak oihaneko gorenak direnetz jakin nahi duzu?
Mmmm... Auzo herriko iratxoek, adreilua erabiltzen dute neurtzeko unitate gisa.
Ez da aise egur biribilez egin neurketen eta adreiluz eginikoen konparatzea.
Xuxen zara, Josefina. Denek unitate bera erabili behar genuke. Jadaneko bada holakorik. Kasik
mundu guzian erabiltzen da. Metroa da. Eta zuen etxolak... kasik metro bat gora dira.
Iratxoenak izanki, ez da batere gaizki!

©Ikas euskal pedagogia zerbitzua, 2022