MMH CM1, Ikasgaien kaiera , 2. ikasgaia: Luzera unitateak. (2. bideoa)

Bideoa deskargatu
Bideoa frantsesez
Fitxa pedagogikoa frantsesez
Transkripzioa

Transkripzioa

Unitate aldaketak, m-tik mm-ra
Ui ui ui, iratxoak, nork ahantzi ote ditu bere hurrak hemen? So egizue inguruetan seinalerik ikusten duzuenetz.
O, o... herexak... Nork utzi ote ditu? A bai! Ideia ona da metro bat luze den xingola horrez neurtzea.
Metro bat, justu-justua. Nork ote ditu metro bat luzeko oinak? Oihaneko erraldoiak, alabaina!
Baina erraldoiak ez du hurrik jaten. Ttipiegi dira haren urdailaren betetzeko.
A, herexa hau metro bat baino laburragoa da. Ez da aski zehatz, neurri unitate ttipiago bat behar litzateke.
Bai. Erregela hori metro bat luze da beti, baina dezimetro unitatetan zatitua da, eta horietarik hamar badira.
7 dezimetro, Mario trollaren oinen luzera da, justu-justua. A bai, egia duzu, Josefina! Badakigu Mariok hurrei alergia diela. Ez da haren saskia izaten ahal.
Herexa honen luzera dezimetro baten eta bi dezimetroren artekoa da. Ez da aski zehatz. Neurri unitate ttipiagoa erabili behar da, zentimetroa.
Metro batean ehun zentimetro dira. Dezimetro bat gehi bi zentimetro, hamabi zentimetro heldu da.
Orduan? Nork ote ditu hamabi zentimetroko oinetakoak? Pantxo iratxoak! Bistan da!
Baina ezin daiteke, Pantxo oporretan da, hemendik urrun. Karta postal bat igorri berri dit.
Herexa horietarik bat ere ez da hurren jabearena. Misterioa korapilatzen ari da.
Baina herexa horiek ttipi-ttipiak dira. Zentimetroa ez da aski izanen.
Biba zu, Josefina. Erregela horretan, zentimetro bakoitza hamar milimetrotan zatitua da.
Beraz, mila milimetro dira metro batean.
Bistan da! Gorrikoren herexa da! Urtxintxarik ttipienarena!
Hurrak harenak ote dira? Zentzuzkoa dirudi. Gorriko txoriburua da. Eramazkiozue laster! Hurrezkobixkotxak izigarri maite ditu."