MMH CM1, Ikasgaien kaiera , 16. or.

Bideoa deskargatu
Bideoa frantsesez
Fitxa pedagogikoa frantsesez
Transkripzioa

Transkripzioa

-Aitzina, Ana! Nik ditut kartak partekatu, zu has zaitez. Karta bat pausa ezazu.

 Hamazazpiko karta pausatzen dut. Zure aldi.

 Nik hamahiruko karta dut pausatzen.

 E! Ez, ez. Hamahiru ezin da. Ene kartaren justu aitzinetik edo justu ondotik heldu den karta baizik ez dezakezu ezar: Hamaseikoa edo Hemezortzikoa. Jokoa holakoa da.

 Ulertua! Orduan karta hau, azpian ezartzen dut.

 Jokoaren arauetan da hori? Bo, ados! Hamahirukoa ezar dezakezu. Nik hamabikoa ezartzen dut eta irabazi baitut, berriz ene aldi!

 Ongi heldu zaizu, e? Eta segur zara hamabikoa ezar dezakezula?

 Bistan da baietz! Hamahiruri 1 kentzean hamabi heldu da. Beraz justu aitzinetik heldu den zenbakia da.

 Aitzineko zenbakia baldin bada, zergatik duzu zure karta ondotik pausatu? Tronpatu zara!

 Nahi den ordenan ezar daitezke. Aski da “baino ttipiago” edo “baino handiago”ikurraren idaztea,
zentzu egokian.

 Txori goseti baten mokoa bezalakoa da. Jateko gehienik den aldera buruz zabaltzen da beti.

 Orain ene aldi! Hamalau. Irabazi dut! Hamahiru tartekatu dut.

 E! Zaude istant bat! Ene aldi da orain. Hamasei, hamazazpiren ondoan, eta berriz ene aldi. Horra! Nik ere, irabazi dut. Hamasei tartekatu dut. Zenbaki oso bat beste bi zenbaki osoren
artean tartekatzeko, zenbaki horren justu aitzinetik eta justu ondotik heldu direnak aurkitu behar dira. Denak zentzu berean sailkatzen direlarik, kate bat ere osa daiteke. Eta orain, beste arau bat!
Hamarreko hurbileneraino tartekatu behar da. Zure ustez, zer da hogeita seiren justu ondotik heldu den hamarrekoa?

 Hogeita hamar. Eta aitzineko hamarrekoa, hogei da.

 Biba zu, berriz irabazi duzu! Zenbaki baten tartekatzeko elkarren segidan diren 2 hamarrekoren artean, zenbaki horren justu aitzinetik eta justu ondotik heldu diren
hamarrekoak aurkitu behar dira. Sekulako xantza ukan duzu! Ikusiko duzu ondoko aldian.
Nik ere irabaz dezaket, badakizu? Ni naiz txapelduna, lehenetan lehena!