MMH CM1, Ikasgaien kaiera, 25. or. (4)

Bideoa deskargatu
Bideoa frantsesez
Fitxa pedagogikoa frantsesez
Transkripzioa

Transkripzioa

Zuzen perpendikularren marraztea

 So egizu, Peio. Hau da aipatzen nizun bideo-jokoa. Zirkulua lau zati berdinetan partekatu behar da.

 Lau zati berdin? Zuzenak marraztuz entsea gaitezen. Erregela harrazu, heldu naiz.

 Peio, erregela hartua dut. Non zara?

 Hemen. Erregela zirkuluaren zentroan koka ezazu. Horra. Orain arkatza hartzen dut, eta lehen zuzena marrazten. Kasu, erregela ongi atxikazu. Batto!

 Biba zu! Orain, dudarik gabe zuzen bat marraztu nahi duzu zentzu horretan. Hala dea?

 Bai. Baina zirkuluaren 4 parteak zinez berdinak izan daitezen, zuzen perpendikularrak behar ditugu.

 Perpendikularrak?

 Bai, bi zuzenek angelu zuzen bat osatu behar dute.

Beraz, hor zapatuz eskuaira hartzen dut.

 A... eskuaira... jakin ezazu ez dakidala xuxen eskuaira nola erabil. Nola kokatu behar ote da?

 Hola: eskuairaren angelu zuzena erregelaren kontra. Ederki. Orain, eskuaira ongi kokaturik atxikazu. Erregela mugiarazten dut, eskuairaren angelu zuzenaren beste aldera... Hupa! Horra. Bigarren zuzena marraz dezakezu.

 Biga!

 Bikain! Angelu zuzena markatzen dut...

 Kausitu dugu! Zirkulua lau zati berdinetan partekatua da. Eta hori, zuzen perpendikularrei esker.

 Biba zu, Amaia. Eskuaira nola erabiltzen den ongi ulertua duzu ala berriz jostatu nahi ote duzu?

 Eskuaira nola ongi erabil ulertu ote dudan? Ba... ez dakit... Baietz, gizonttoak, ez kexa, dena ulertu dut. Pausa zaitezte, lagunak, laster itzuliko gara jostatzera!