Hiruki isoszeleen marraztea

MMH CM1, Ikasgaien kaiera, 17. ikasgaia: Hirukien marraztea.

Bideoa deskargatu
Bideoa frantsesez
Fitxa pedagogikoa frantsesez
Transkripzioa

Transkripzioa

Beroketaren aldia bukatua da, hiruki isoszeleak! Figura akrobatikoaren egiteko presta zaitezte!
Ederki!
Baina non da gain gainean orekan egon behar den hiruki isoszelea?
A? Ezin izan du etorri? Ez zaitezte arrangura. Badakizue zer eginen dugun? Bai, hori da! Hiruki isoszele bat marraztuko dugu, zuen izari berekoa.
Hasteko, hirukiaren alde bat marraztu behar da, erregelaz neurtuz. Arras ongi.
Baina 2 alde eskas dira hiruki isoszelearen bururatzeko. Zuen ustez, zer tresna erabili behar ote da?
Argi da ez dela eskuaira erabili behar. Beste zerbait xerkatuko dugu.
Bai, hori da! Konpasa da erabili behar. Biba zuek! Eta zer egin behar ote da konpasaz? Bai! Xuxen zara! Konpasaren punta segmentuaren muturrean ezarri behar da. Eta zirkulu arku bat marraztu behar da, hola.
Gero, konpasaren zangoen arteko tarte bera atxikiz, konpasaren punta segmentuaren bigarren muturrean kokatu behar da, eta bigarren zirkulu arku bat marraztu. Horra!
Ikusten duzue? Bi zirkulu arku horiek elkar ebakitzen duten puntua hirukiaren erpin bat da.
Orain aski da luzera bereko segmentuen marraztea.
Eta zer tresna erabiliko dugu, zuen ustez? Bai! Erregela eta arkatza. Orain erpinak elkarri lotu behar dira. Horra. Hiru alde dira, eta horietarik bi luzera berekoak.
Ez dea espantagarria?
Horra, hiruki isoszele ederra marraztu dugu.
Milesker, anitz lagundu nauzue.
Ongi etorri gure artera, ttipitto!
Eta orain zer, figura akrobatiko hori eginen ote dugu, hirukiak?
Biba zuek! Ikusgarria da!
Hiruki isoszele baten marrazteko, hirukiaren alde bat marraztu behar da erregelaz neurtuz, beste aldeen luzerak konpasaz markatu, eta erpinak elkarri lotu.
Fleitean zarete, hirukiak! Arras geometrikoak zarete. Zuen figura akrobatikoak hiruki isoszele bikaina osatzen du.
Orain dena dakigu hiruki isoszeleez.

©Ikas euskal pedagogia zerbitzua, 2022