Transkripzioa

Zer makurra, iratxoak! Haize-errotan pala berria ezarri beharko duzue.
Palak neurtu behar dira eskas den pala izari ber bereko hosto batez ordezkatzeko.
Ageri da zuen metro bateko erregela hobetu duzuela. Orain dezimetrotan ere graduatua da. Eta zentimetro eta milimetrotan graduatua den beste erregela bat egin duzue.
Dezimetro bat berdin metro hamarren bat. Zehazki neurtzen ahalko duzue.
Palak bost zentimetro luze dira. Orain zuen hostoak neurtu behar dituzue, iratxoak.
Josefina, zure hostoa berrogeita zortzi milimetro luze da. Bost zentimetroko pala baino gehiago ala gutiago ote da? Ez dituzue unitate berean neurtu. Bata milimetrotan da, bestea zentimetrotan.
Zuen neurrien konparatzeko, lehenik unitate berean ezarri behar dira.
Hasteko, neurria adierazia den unitatearen zifra idatzi behar da.
Berrogeita zortzi milimetro berdin lau zentimetro eta zortzi milimetro.
Eta neurri hori zentimetrotan bakarrik adierazteko nola egin?
Berrogeita zortzi milimetro berdin lau zentimetro eta zortzi milimetro.
Eta lau zentimetro eta zortzi milimetro berdin lau kakotx zortzi zentimetro.
Neurriaren adierazteko hautatu unitatearen ondotik kokatu behar da kakotxa.
Eta pala, Mattin? Pala bost zentimetro luze da, edo berrogeita hamar milimetro.
Zein da beraz luzeena? Pala. Berrogeita hamar milimetro, berrogeita zortzi milimetro baino handiago da eta bost zentimetro, lau kakotx zortzi zentimetro baino handiago.
Josefinaren hostoa ttipiegia da pala hautsiaren ordez ezartzeko.
Eta zurea, Mattin? Bost zentimetro luze da, edo berrogeita hamar milimetro, pala bezala!
Bikain heldu da pala hautsiaren ordez.
Eta horra haize-errota arrimatua!