Kanpoko berriak (IKASOLAS)

Haurrendako baliabideak

  • Txikilinux
    Txikilinux Xilaba (Xiberoa, Lapurdi & Baxe Nafarroa), Ipar Euskal Herriko haurrendako egokitua den Linux sistema eragilea, Donibane Lohizuneko ikastolara ailegatu da.
    Txikilinux software libreak, informatika haurrengana eta burasoengana hurbiltzea du helburu. Seaskako ikastetxeko irakasleek eskatu aplikazioak kontuan hartuz, Txikilinux Xilaba bertsioa sortu eta estreinatu zuten otsailaren 18an Donibaneko ikastolan. Elkartenet (garatzailea) eta Bilboko Harrobia ikastolaren laguntzarekin, hezkuntzako tresna sortu dute aplikazio jakin batzuk sartuz. TxikiLinux-ek hezkuntzako aplikazio guziak edukitzeaz gain, Donibaneko irakasleek galdegin dituzten aplikazioak ditu: OBS Studio, Shortwave, Freetube, Gimp, Kdenlive, Audacity,.. besteak beste.
    Software libre eta euskaldunaren heltzea ospatzeko Txikilinux Eguna antolatu zuten otsailaren 18an. Ekimena kari, tresnaren ezagutzeko parada izan dute ikastolako buraso eta haurrek. Horrez gain, irakasleek ere formakuntza ukan dute.
    Txikilinux edota Txikilinux Xilaba libreki deskargatzen ahal da hemendik: https://www.elkartenet.eus/txikidenda/txikilinux-iso-32-eu/

Helduendako euskarazko jolasak

  • Egunean Behin aplikazioa
    Egunean partida bakarra jokatzen ahal da, 10 galderako sorta bati erantzunez.
    Tribial estiloko jokoa da. Asmatu erantzunen eta pasa denboraren arabera, puntuak lortzen dira. Puntu horietan oinarriturik osatzen da sailkapena.
    Gainera, nork bere taldea sortzen ahal du lagunekin batera lehiatzeko.
    Euskara, euskal kultura eta geografia arinki lantzeko aukera!
  • Berbaxerka
    Jokoan zazpi letra ezberdin biltzen dira egunero, eta ahalik hitz gehien osatu behar ditu jokalariak. Letretarik bat gorriz nabarmentzen da, eta letra hori da ezinbestean erabili behar dena. Euskaltzaindiaren hiztegiko hitzak baizik ez dira onartzen, gutienez hiru karakterekoak.

22. Korrika Martxoaren 31tik apirilaren 10era