MMH CM2, Ikasgaien kaiera, 1. ikasgaia: Zenbaki handiak.

Bideoa deskargatu
Bideoa frantsesez
Fitxa pedagogikoa frantsesez
Transkripzioa

Transkripzioa

Zenbaki handiak: milioikoak

 Egun hartan, Luisa gustuan ibilki zen harramantza entzun zuelarik.
Dozenaka pinguino lerroan ziren...

 Baina zertako ote?-zioen Luisak bere baitan.

Pinguino nagusiaren aitzinera heldu zen eta egoera ulertu zuen.

 Ohartzen zara...-erran zuen-999 999 urrats egin ditugu eta zilo horren aitzinean kokaturik gaude!

Ez dugu urrats bat gehiago egiten ahal.

 Ez da posible! 999 999 urrats eginik dituzue: bateko bat baizik ez da eskas milioigarren urratsaren egiteko.

 Bai.-erantzun zuen pinguinoen nagusiak-Pena da horretan gelditzea!

 Horri esker, urrats bat gehiago egin dezakezue. Aitzina.

 Biba! Biba! Milioi bat urrats! Loriagarria da! Zuri esker, segitzen ahal dugu.
Barka baina... Nola kontatzen da gero? Aitortzen dizut ezezagunaren barna menturatzen garela. Milioitik hara ez dut deus ezagutzen. Nola beteko ote dut ene bide liburuxka?

 Ez kexa. Sail berri baten gehitzea aski da: milioikoen saila.Sail horretan batekoen zutabea, hamarrekoena, eta ehunekoena. 999 999 gehi bat berdin milioi bat. Bat idatzi behar da milioikoen saileko batekoen zutabean,eta 0 beste zutabeetan. Erran nahi baita 1 000 aldiz 1 000 bateko.

 1 000 aldiz 1 000?

 Hori da. Horren ongi ikusteko, zenbaki sailen arteko espazioak kontuan hartu behar dira. Begira. Urrats kopuru hori egina izanen duzuelarik, sailez sail irakurriz erranen duzue: bi milioi bostehun eta hogeita hamar mila eta hirurogei. 60 batekoen sailean da, baina ez da horren zehazteko beharrik.

 Mmm... Uste dut ulertu dudala. Baina badaezpada, hastapenean zure laguntza nahi nuke oraino. Milioitto bat urrats egin zenezake gurekin?

 Gogotik. Ene bidea da, gisa guziez.

Pinguinoak abiatu ziren. Milioika urrats bazituzten egiteko.