Transkripzioa

Laukizuzenen marraztea

 Zure panpina etxea usaiaz kanpokoa da, artista jauna.

 Milesker, Fidelio. Ene haurrei eskaini nahi diet, baina atea marraztekoa dut oraino.

 Alabaina, aterik gabeko etxe batean ezin sar. Nolakoa nahi duzu?

 Nahi dut errektangularra izan dadin: 20 cm luze eta 10 cm zabal. Baina ez dakit hori nola marraz.

 Ez kexa, laukizuzen hori elkarrekin marraztuko dugu. Baina nola egin?

 A, bai! ideia ona duzu, pintzela! Laukizuzenek lau alde dituzte.Lehena marraz dezagun, erregela eta arkatza erabiliz.

 Alde luzeenetarik bat marraz dezagun. 20 cm luze izan behar da.

 Bikain! edozein aldetarik has gaitezke. Bi alde luzeetarik bat dugu, beraz...

 Baina beste hiru aldeak marraztekoak ditugu oraino. Nondik has?

 Bada, laukizuzenek lau angelu zuzen dituzte.

 Beraz, lehen angelu zuzen bat marraztu behar da.

 Bistan da! Eskuaira behar da angelu zuzenen behar bezala marrazteko. Lehen aldearekiko perpendikular izan behar da.

 Horra. Orain, 10 cm neur dezagun alde perpendikular horretan. Ederki. Bigarren aldea marraztua dugu. 10 cm luze da. Oraino bi alde badira marrazteko.

 Horretarako, beste angelu zuzen bat marraztu behar dugu. Eta orain, 20 cm-ko bigarren aldea neur dezakegu alde perpendikular horretan.

 Ongi, 10 cm-ko alde bat gelditzen da oraino marrazteko. Horretarako, ez da neurtzeko beharrik, libro diren bi erpinak lotu behar dira.

 Bikain!Horra gure laukizuzena. E! Kasu emazu, pintzela! Uf! Milesker. Apaingarri pixka bat... Kitto! Horra ate errektangularra!

 Bere lekuan koka dezagun.

 Eta horra panpina etxe kausitua! Haurrak kontenxko izanen dira. Gurekin jostatzen egon nahi duzu, Fidelio?