MMH CM2, Ikasgaien kaiera Zatikien arteko berdintzak, 8. ikasgaia: Zatikiak.

Bideoa deskargatu
Bideoa frantsesez
Fitxa pedagogikoa frantsesez
Transkripzioa

Transkripzioa

Behin baziren hiru pirata: Jack, Jeff eta Joe.
Munduaren itzulia egina zuten “Neptuno” izeneko itsasontzi zaharrean, eta beti borrokan aritzeaz unatzen hasiak ziren.
Beraz, egun batez erretretaren hartzea erabaki zuten.
Altxorra gorde zuten uhartera joatea deliberatu zuten. Alimaleko urre mokorra zuten han.
Baina hara, uhartean lehorreratzean, “Neptunok” arroka bat jo zuen eta itsasontzia hondatu zen.
Jack eta Jeff sendo eta oso atera ziren, baina Joe han desagertu zen.
Orduan, Jackek et Jeffek lagunarengatik negar pixka bat egin zuten, baina fitexko kontsolatu zirenurre mokorra ez baitzuten hiruren artean partekatu behar, bien artean baizik.
Baina Jack urre mokorra bitan zatitzera zihoalarik, hara non Joe agertu zen, busti pelaturik.
"Hau mirakulua!" oihu egin zuten Jackek eta Jeffek laguna ikusteaz bozkariaturik.
Elkar kausitzearen emozioa iraganik, Jackek bere ustez urre mokorra nola partekatu behar litzatekeen adierazi zuen.
Baina Joe haserretu zen erranez hondatzetik bizirik atera ondoren,ez zezakeela ohointzarik onar.
Banaketa zuzena galdegin zuen beraz, erran nahi baita, hirurek parte bera ukan zezaten: heren bat Jackentzat, heren bat Jeffentzat eta heren bat beretzat.
Joek zatikiak zer diren esplikatu zuen gainera.
Azpiko zenbakiari izendatzailea erraten zaio. Unitatea zenbat zati berdinetan partekatzen den adierazten du. Kasu honetan, hiru da.
Eta gaineko zenbakiari zenbakitzailea erraten zaio. Zenbat zati erabiliak diren
adierazten du. Kasu honetan, bat.
Eta bururatzeko Joek erran zuen zatikiak erabiliz partekatze zuzenak adierazten ahal direla.
Partekatzeari buruzko ikasgaia ongi ulerturik, Jackek besteen barkamena nahi izan zuen.
Orduan, sakelatik txokolate tableta bat atera zuen eta lau zati berdinetan partekatu.
Zergatik lau? Laurden bat Jeffentzat, laurden bat Joerentzat, laurden bat Jackentzat eta laurden bat... enetzat!
Mmm... Milesker, Jack!