MMH CM2, Ikasgaien kaiera, 20. ikasgaia: Neurri unitateak.

Bideoa deskargatu
Bideoa frantsesez
Fitxa pedagogikoa frantsesez
Transkripzioa

Transkripzioa

Zer piramide ederrak! Berdin berdinak dira?
Berdinak direla iduri du baina masa bera ote dute?
895 gramo. Ongi.
1,35 kilogramo.
Zein da pisuena?
Konparatzeko, neurri unitate bera erabili behar da.
Lehen piramideak 895 gramo pisu du. 895 gramo hau da: 0,895 kilogramo.
Alabaina, kilogramo baten egiteko mila gramo behar baitira.

Bigarren piramideak 1,35 kilogramo pisu du.
Erran nahi baita 1 350 gramo. Orain ageri da zein den pisuena.
Ez kexa, masa bereko bi piramide eginen ditugu. Kilogramo bateko bi piramide.

Lehen piramideak 895 gramo pisu du. Beraz 5 gramo gehitu behar dira 900 gramora heltzeko, eta beste 100 gramo 1 000 gramora heltzeko. Beraz 105 gramo hondar gehitu behar dira.

Bigarren piramideak 1 350 gramo pisu du. Beraz 50 gramo kendu behar dira 1 300 gramora heltzeko eta beste 300 gramo 1 000 gramora heltzeko, beraz 350 gramo hondar kendu behar dira.

Horra, bi piramideek masa bera dute. Biziki piramide ederrak dituzue. Beharbada doi bat handiagoak egin genitzake? Ez hain handiak, bistan da, baina... jendeen neurriari hurbilagoak. Zer diozue?
Ha ha! ez da bi aldiz errateko beharrik!
Emaitza ikus dezagun.
Hondar anitz erabili duzue segurik.
Tona bat bederen, ene ustez. Horra! 1 004 kilogramo.
Jakinez tona bat 1 000 kilogramo dela, piramideak tona bat baino lau kilogramo gehiago pisu du.
1,004 tona pisu du. Errazue, ahizpa eraikitzaileak, pixka bat pausatzea merezi duzue, ez?