Filosofia - bideo pedagogikoak

Filosofia - bideo pedagogikoak

Platon
Platon Atenasen jaio zen, K.A. 427. urtean. Greziako zibilizazio aurreratuan familia aberatseko kide bati zegokion heziketa jaso zuen. 20 urte zituenean ezagutu zuen Sokrates, eta liluratuta, bere ikasle izatea erabaki zuen. Filosofia eta egia aztertzea izan zen, ordutik aurrera, bere eginkizun nagusia.

Descartes
1596an jaio zen, Frantziako familia burges batean. Lehenengo filosofo modernoa esaten zaio. Metodo zientifiko iraultzaile bat proposatu zuen eta “razionalismo” izenez ezagutzen den korronte filosofikoaren ordezkari nagusitzat jotzen da.

Immanuel Kant
“Sapere aude”, ausart zaitez pentsatzera! Ilustrazioari lotuta dagoen Immanuel Kant filosofo prusiarrarena da esaldia. Haren arabera, gizakia autonomiak bereizten du: bere kabuz pentsatu eta erabakitzeko gaitasunak. Horretarako ordea, ausartu egin behar da gizakia.

Friedrich Nietzsche
Supergizakia. Txoria? Hegazkina? Ez, Supergizakia kontzeptu filosofikoa da, eta Nietzschek garatu zuen. Nihilismoa, bitalismoa, supergizakia, botere-nahia… autore emankorra eta influentzia handikoa izan zen.

Hannah Arendt
1906an jaio zen, Hannoverren, Alemanian, jatorri judutarreko familia jaso eta jantzi batean. Oso txikitatik antzeman zuen judu izaera horrek desberdintzen zuela.
1941ean, New Yorkera jo zuen bere bizitza berreraikitzeko aukeraren bila. Pixkanaka aurkitu zuen bere lekua: garaiko zirkulu intelektualetan murgildu zen, unibertsitateko irakasle izan zen. 1975ean hil zen, Gerra Hotzean.

Simone de Beauvoir
Filosofoa, saiakera idazlea, nobelagilea, idazlea, kazetaria… hori guztia izan zen Beauvoir. Gaur egun, feminismo garaikidearen oinarrian dauden hainbat ideia garatu zituelako ezagutzen dugu nagusiki.

Ikusgela
Bideo pedagogikoak, euskaraz eta libreak.

Azalpen bideoen proiektua da Ikusgela. Helburu didaktikoa duten bideoak egitea da asmoa, euskarazko jakintza librea sortzeko eta jendarteratzeko.
Pedagogia modu erakargarrian egin nahi dugu eta, horretarako, narratiba berrietara egokitutako lengoaia eta baliabideak erabiltzen ditugu, tonu freskoarekin.
Jakintza librean sinesten dugulako eduki guztia lizentzia librean sortzen da eta Wikipedia osatzeko erabiltzen da.