Hiru xerri ttipi - Hiru otso

Hiru xerri ttipi : ipuin tradizionalaren egokitzapena

Amaia Hennebutte Millard-en HIRU OTSO izeneko obra : hiru album eta CDa.

Bereziki bigarren zikloko ikasleei zuzenduak dira

Ipuina entzungai

Zati bat

"Behin baziren hiru xerri ttipi.
Hiruak musikariak ziren.
Xerri gazteena pandero joilea zen,
artekoa xirularia, eta zaharrena trikitilaria.

Xerri oso alegera ziren.
Oihanean bizi ziren, egoitzarik gabe.
Ondorioz, gau eta egun, otsoaren beldur ziren.

Egun batez, zaharrenak anaiei bota zien :
- Eta etxe bat eraikitzen bagenu, lasaiago bizitzeko ?
(...)"

Ustiapen pedagogikoa

Ikus ustiapen pedagogikoa sarean :Hiru otso

Sarean

’Hiru otso’ trilogia atera du Ikasek, ipuinetik soinura, osoki berezia den lana

http://paperekoa.berria.info/plaza/2009-11-21/039/002/lege_info.htm

Haurren beldurrak islatzen dituzten otsoen istorioak bildu dituzte hiru liburu eta disko batean

Nora Arbelbide.
Uztaritze

Ikas pedagogia zentroak sorkuntza berri koloretsu bat dakar urte bukaerarako. Hiru otso hiru liburuk eta disko grabaketa batek osatzen duten bilduma da. Gainera, eta ez baita usu gertatzen, Ikasekoek berek azpimarraturik, hastetik buru sorkuntza lan berezi baten emaitza da proiektua. Izan ere, hiru liburuetako ipuinak Senpereko Amaia Hennebutte Millardek idatziak ditu. Lehenean, Hiru xerri ttipien ipuin ezaguna arramoldatua du. Fanny Millardek ilustratu du. Bigarrena, Otsoa, axeria eta ahuntzak euskal mitologiako kondaira bertsotan eman du, Luca Eno Trimaldik Txinako tintaz loratu duena. Hirugarrena Otso gosetua da, ipuin asmatua eta gaurko munduan kokatzen dena, Lontxo Iriartek ilustratua. Guztien irakurketa musikatua proposatzen dute diskoan, Jesus Aured musikariak girotua.

«Hiru otso» bilduma prestatu du Ikas zentroak, otsoari beste begirada batekin behatzeko

http://www.gara.net/paperezkoa/20091121/167935/eu/Hiru-otso-bilduma-prestatu-du-Ikas-zentroak-otsoari-beste-begirada-batekin-behatzeko?Hizk=en

Hiru liburuz eta disko batez osatua da lana eta gutitan argitaratzen diren sorkuntza horietako bat da. «Ikas zentroak liburu klasikoak itzultzen ditu gehienetan, baina oraingoan, 2007an `Lodikroko’ sorkuntza aurkeztu genizuen bezala, plazer anitzekin `Hiru otso’ izeneko lana plazaratzen dugu » adierazten du Anes Dufau Ikas zentroko zuzendariak.
(...)

’Hiru xerri ttipi’ izeneko lehen ipuina ipuin tradizionaletik moldatu da. Ipuin unibertsala da eta idazkera klasikoa baliatu du Amaia Hennebuttek. Marrazkiak Fanny Millardek ditu egin eta kalkoaren teknika erabili du marrazkien osatzeko. Marrazki grafikoak eta koloretsuak beraz.

Otsoa beste begirada batekin behatzeko obra zabala bezain aberatsa argitaratu du Ikas zentroak

http://www.kazeta.info/kultura/otsoa-beste-begirada-batekin-behatzeko-obra-zabala-bezain-aberatsa-argitaratu-du-ikas-zentroak