Kirola eta Korrika

Korrika 18 eta kirola : CP CE1eko hiru gelek, xede pedagogiko bat montatü düe gei horren üngürüan. Eskola bakotxak zati bat lantü dü : Alozeko Ikastolak, Korrika 18 aurkeztü dü, Idauze Mendiko eskola püblikoak, ibilbidea eta Eüskal Herria presentatü dü. Maule Peko eskola püblikoak, jokü bat asmatü dü korrikaren üdürikatzeko (Xiberoan Eüskaraz Bai alkartearen lanatik abiatüz, kirolaren mailan).

Hiru eskola horik bildüko dira, eta ikasle bakotxak, eskolan egin lana, aurkeztüko dü eüskaraz, beste geleer. Artean, negüko bakantzen denboran, haurren ekoizpenak ikusgei dirateke, Mauleko libürütegian, eta Xiberoko bi haurtzaintegietan.