Lurraren hertzeetan
badira esnezko itsasoak,
han biltzen dira zure soak.

Zuk biltzen dituzu galernen giltzak,
hodei beltzak, haize bortitzak.

Bi seme dituzu :
Ortzi eta Hodei,
lotuak altzoei ;
bi seme dituzu,
Hodei eta Ortzi,
kazkabar eta erauntsi !

Ortziri ortzantz
suzko ihortziri,
etxeen ateak so ekialdeari.

Mariren kexuen hitza,
elorri xurien geriza,
eguzki lore, ilargi belar,
urrun dagoela zorte txar !