Negua
Biluzia da haritza,
biluzia pagoa,
beldurrez gorde da
urtxintxa harroa,
lañoan nahasi da
lertsunen lerroa,
atzarri du negu hotzak
iparren orroa.
Izotza hain da hotza,
elurra hain trebe,
mamutxen kasatzeko
funtsean baita hobe.
Xoriak ez dira geldi
gorde lekurik gabe,
izei eta gorosti
hor baitira berde.
Laster suntsituko naiz
horma bihotzean,
ni ezin bainaiz bizi
baizik eta hotzean,
deuseza eginen naiz
hartza atzartzean.
Udaberri piztuko da
ene heriotzean !
Luixa Giltzu 2000