Aitzin solasa

Munduaren ezagutza saileko hirugarren liburuki honekin, ingurumenari behatzeko eta haren konplexutasunari ohartzeko gomita luzatzen diegu ikasleei.

Urketako MIFEN elkartearekin ondu ikastresna honek gure ingurumen hurbila du abiapuntua eta esperimentazio gunea, oihanaren gaira mugatuz, haatik.

Hamalau modulutan barna, zuhaitzen eta oihanen ezaugarriak eta bizia lantzen ditugu, mundu zabaleko oihanetaraino gabiltza, oihanaren balioaz eta haren gerizatzeko premiara heltzeko azkenik.

Alabaina, urraspide zientifikoan bermatuz, ikasleak oihanak bere ekosistema propioa duela ulertzeaz eta haren ezagutzeaz gain, jendearen eraginari ohartzera ere ekarri gogo ditugu. Zientzia saileko programek ingurumenako hezkuntzari garrantzia emaiten diote. Nolaz ez ? Ikaslea herritarra ere da.

Liburuki hau bi partetan antolatua da :
 ezker aldeko irakaslearen gidan, gorago aipatzen ditugun 14 modulu bildu ditugu ;
 eskuin aldean, oihanaren lantzeko hiztegia, euskaratik frantsesera eta frantsesetik euskarara, bai eta 14 moduluei dagozkien ikasle fitxak.

Bestalde, sei afixa aurkituko dituzu, gaiaren “girotzeko“ eta taldean lantzeko. Egin ohi dugun bezala, aldi honetan ere ikastresna honen baliatzeak ekarriko dizkizun ohar eta proposamenen helaraztera gomitatzen zaitugu, irakurlea.

1. kap : Etxe gibeleko oihanean

2. kap : Euskal herriko oihanak

3. kap : Zuhaitza

4. kap : Oihan hostodunak eta oihan orrazdunak

5. kap : Zuhaitz mota ezagun batzuk

6. kap : Belartegia

7. kap : Zuhaitza eta urtaroak

8. kap : Zuhaitza sortzetik hiltzeraino

9. kap : Zuhaitzaren adiskideak eta etsaiak

10. kap : Gure oihanetako animaliak

11. kap : Oihaneko biziaren zikloa

12. kap : Oihanaren balioa

13. kap : Oihana lanjerean

14. kap : Oihana nola zain