Aita (edo ama): Eguberri hurbiltzen ari zaigu. Ea, bakoitzak erran beza zer nahi lukeen. Ez dut erran nahi eskatuko dituzuen guziak ukanen dituzuela.
Mirentxu: Beraz, aurten urtero bezala, ametsetako zerrenda bat egin behar dugu.
Kaiet: Nik nahi nukeen gauza bakarra bizikleta bat da.
Mirentxu: Gauza bakar bat eskatuz ez duzu sorpresarik ukanen eta Eguberriko plazera preseski sorpresa duzu!
Kaiet: Bai, arrazoi duzu. Baina zer eska nezake ? Larruzko baloia badut urtebetetze kari ukana, irristailuak iaz ukan nituen, etxean bideo-jokorik ez du nahi amak…
Kattina: Eta zerbait eskatzen bagenu familia guziarentzat ? Orain handituak gara eta denak elkarrekin ar gaitezke.
Mirentxu: A ez! Beti kalapitan ariko gara! Batek hartu orduko besteek nahiko dute.
Aita (edo ama): Mirentxuk egia dio. Ez genuke aharran aritzeko beste gai bat behar. Ideiarik baduzu?
Kattina: Bai, ping-pongeko mahai bat. Launaka edo binaka josta ginateke. Txapelketak ere egin genitzake lagunekin.
Aita (edo ama): Arazoa da ez dugula toki handirik biltzeko. Kanpoan utziz berehala fundi litzateke eta aterpean jadanik neguko egurra ezarria dugu.
Kaiet: Plegatua delarik ez du toki handirik behar eta gainera, erabili ondoan plastikozko estalgi batez estaliko dugu. Zure ideia bikaina da Kattina. A, zer partidak eginen ditugun!
Mirentxu: Hala ere, halako bat egiten dit sorpresarik ez ukaiteak. Beharrik aitatxi eta amatxi hor dira.
Kattina: Eta ttantta eta otto.
Aita (edo ama): A! Zer haur gastatuak! Ene garaian...
Denak: Bai, badakigu...