Ama: Gaur aste guziko erosketak egin behar ditugu; erna gaitezen!
Haurra: Bikain! Kirol-zapatak erosiko dizkidazu!
Ama:Ez, gaur janaria baizik ez dugu erosiko!
Haurra: Badakizu, ama, askariko zituak aspalditik bururatuak ditugula.
Ama: Bai baina errana dizut ez ditugula gehiago erosiko azukre sobera dutelako.
Haurra: Eta zer janen dut beraz? Badakizu ez dudala besterik maite!
Ama: Bakea emazu! Fruituak, ogia eta eztia jan itzazu. Bitaminaz beterik dira.
Haurra: Berk! Eztia hastio dut! Pizza bat erosten dugu?
Ama: Ados. Ostiral arratseko atxikiko dugu. Entsalada on batekin afari hauta ukanen dugu.
Haurra: Eta Koka? Koka erosten bagenu?
Ama: Ez! Badakizu arras ontsa edari horren kontra garela! Are, zoazi laster batez esneki zenbaiten erostera. Maite dituzunak hauta itzazu baina prezioari kasu eginez.
Haurra: Bai, badakit. Ez merkeenak eta ez karioenak. Erosten ahalko ditut « Mars » batzuk?
Ama: Ez eta ez! Baina zer duzu egun? Azken aldia da erosketak elkarrekin egiten ditugula!
Haurra: Berdin zait! Zernahi gisaz beti hola da zurekin! Ez duzu sekula nik maite dudana erosten! Ez zara amatxi bezala! Hark goxokiak eta Koka-Kola erosten dizkit.
Ama: A, ez dudala maite duzuna erosten;? Hola baldin bada, pizza bere tokian pausa ezazu eta gero txokolatezko jogurt goxo horiek ere hartu tokian ezar itzazu. Nik ditut hautatuko. Hau sarrazu buruan, koska tzarra, zu: oro nahiz, oro gal!

Jokalariak: Ama eta haurra
Autorea: Kattalin Sallaberry
Argitaratzailea: Ikas
Argitaratze data: 2010/12/21
Maila: 3. ziklotik goiti