Igaran apirilaren 26an, Allande Socarrosen üngürüan algarretaratü gira 2015-2016 ikasurteko hirugerren eta azken kurtsoarentako. Hamabost bat lagün bildü gira, gure eüskalkiaren hobetü nahiz. Aitzineko hilabetean eüskal aditza lantü bagünüan, aldi hontan eüskarazko egitürak eta natürako hiztegia lantü dütügü.

Alde batetarik, egünoroztako bizian egarten dütügün egitüra eta plegü txar elibat xüxentü dütügü, üsü frantsesetik horra zaizkünak, edo gihaurk gaixki erabilten dütügünak, hiztegi eskazaren ondoramenez. Horik aritzez eta aritzez dira xüxentzen, ordüan kurtso horik zinez honki jinak dütügü.

Ondotik, zühaintze eta txori zerrenda bat hartü dügü, eta frantsesetik abiatzez, jokü gisa, horik ützül eta gure hiztegia ariarazi dügü. Izadiko hiztegia zinez aberatsa dügü, izadia bera aberats beita Xiberoan. Ezinbestekoa da jakin dezagün hebenko zühaintze, lantare eta kabalen izentatzen. Hartako ginen algarretaratü Allanderen üngürüan.

Ariketa:
Heben edirenen dütüzüe ariketak. Etxean trebatzeko diren bezala baliagarri dira.
(ezarri dokumentuak)

Arrapostüak:
Heben edirenen dütüzüe ariketak xüxentürik.
(ezarri dokumentuak.xüxentürik)