Urtesaria

Ikasen bazkide izateko edo bazkidetza berritzeko urte saria ordaindu behar da:

• 10,00 € irakasle edo norbanakoen kasuan.
• 20,00 € ikastetxe edo elkarteen kasuan.
  Bazkidetza urte batez bali da: bazkidetza ordaindu den lehen egunetik urtemugara.

Zer abantaila ekartzen du pertsonalki kide izateak?

• Mediatekan liburuak, DVDak eta CDak mailegatzen ahal dira (6 dokumentu 3 astez).
• Ikasen webguneko dokumentu gakotuen irekitzeko eta deskargatzeko kodeak¹ (koderik ez ikastetxe edo elkarteen izenean).

Beharrez ikastetxeak/elkarteak irakaslearen/langileen bazkidetza ordain dezake hala hitzartuz geroz.

Ikastetxeen eta elkarteen bazkidetza sostenguzkoa da.
Bazkidetza baitezpadakoa da elkartea Ikasen administrazio kontseiluan ordezkatua izanez geroz.

Bazkide guziak, norbanakoak ala elkarte/ikastetxeetakoak, Ikasen biltzar nagusira gomit dira ikasturte bukaeran. Parada ezin hobea da Ikasen lanen eta egoerari buruzko ikuspegi orokorraren ukaiteko, beren iritziaren emateko edota galdeen egiteko.

¹Baliabide berezi batzuen ikusteko eta deskargatzeko kodeak zuzenean helarazten dizkiegu irakasleei, sailen arabera (euskara kolegioan, fisika eta kimika, historia 2. mailan, Zineskola...)