Euskara 1 - Metodoaren aurkezpena eta erabilera

[sorkuntza] Egilea(k): Jaki Elkano.
Ilustratzailea(k): Marko Armspach, Jean-Michel Lasausa, Maite Gaztelumendi, Maider Elkano, Clémence Ihizçaga, Haize Othondo.
Argitalpena: Unai Zubeldia.
Argitalpen arduraduna: Aines Dufau.
Zuzentzailea(k): Ikaseko lankideak. Hizkuntza gainbegirada: Euskaltzaindia.

Inprimaketa data: 2017ko martxoan

AURKEZPENA

Euskara 1 euskara lehen urtean lantzeko materiala da, euskarri mota ezberdinez osatua.
Alde batetik euskarri fisikoak badira (maleta bat eta eskuliburuak), bestetik euskarri digitalak, Ikasen webgunean eskuragarri.

EUSKARRI FISIKOAK

Irakaslearen maleta:

  • Ana eta gakotsak izenburuko albuma (ale bat),
  • ariketa fitxa fotokopiagarrien bilduma (ale bat),
  • albumeko ilustrazioak plastifikaturik A4 formatuan,
  • karta jokoa, albumeko pertsonaietan oinarriturik,
  • albumaren irudiak baliatuz ikasle bakoitzak osa lezakeen mini-album
    baten eredua.

Bi eskuliburu ikasle bakoitzaren (urtea bi zatitan partekatua baita).

EUSKARRI DIGITALAK

  • kapitulu bakoitzeko kantuen grabazioa (laster eskuragarri),
  • Open-Sankoré programa librea erabiliz egin daitezkeen ariketa interaktiboen zenbait adibide (laster eskuragarri),
  • gidaliburu bat osatuz joanen dena (laster eskuragarri),
  • euskarri fisikoetan argitaratua izan den material guzia (irakasleen maletako edukiak) PDF formatuan.

ERABILERA

Lehen partea

  • 1 - Ana eta gakotsak ipuina, urraspidearen ardatz
    Ipuina album gisa aurkeztua da, eta irailetik otsaila arte (nonbait han) baliatzen da. Albumarekin betan, Euskara 1 - lehen partea eskuliburua bada. Hau 15 kapitulutan
    zatitua da, eta bakoitzean gakots bat lantzen da (gako-hots = letra pertsonifikatua).
    Hiru kapitulutan 2 gakots (eta doazkien letrak) lantzen dira betan.
    Kapitulu bakoitzeko ariketa-fitxa fotokopiagarriak badira, ikasle bakoitzak horietan
    idazteko gisan.

Ipuinak 3 funtzio ditu:

    • funtzio sinbolikoa: haurren mundukoa da eta ikaskuntzari zentzua ematen dio.
    • lotura funtzioa: ikasgai guzien arteko lokarria da. Horiek osotasun batean lotzen
      ditu eta proposatu progresioan egituratzen.
    • funtzio kulturala: ipuina euskal mitologian oinarritzen da.
  • 2 – Letra-gakoen ordena eta ipuinaren laburpena
    • Aldeko pertsonaiak: Ana eta haren xaramela magikoa, zaldi hegalaria (aztia).
    • Kontrako pertsonaiak: oihaneko basajauna, ingumak, Tartaro, herensugea.
    • Beste pertsonaiak: sugea, laminak.
    • Letra-gakoak ipuinen kutxaren irekitzeko: GAKOTSAK (gako-hotsak).

Ipuinaren laburpena:
Ana aspertzen da, irakurtzen ez daki. Baina zaldi hegalaria heldu da eta erraten dio
mendian badela ipuinen kutxa, eta haren irekitzeko, gakotsak (gako-hotsak) kausitu
behar dituela oihanean.
Baina kasu! Oihanean bizi dira basajauna, ingumak eta Tartaro, eta ez dute nahi
jendeak irakurtzen ikas dezan. Beharrik Anak xaramela magikoa baitu!
Xaramelaz “a, e, i, o, u” soinuak jotzen dituelarik, gakotsak heldu dira.
Oihanetik ateratzean, beste oztopo batzuk aurkitzen ditu (herensugea, etab.), baina zaldi aztiari eta xaramelari esker denak gainditu ondoren, ipuinen kutxa aurkitzen du.
Gakotsak banaka sarrailatik sarraraziz, kutxa irekitzen du eta liburuak irakur ditzake.

  • 3 – Urraspidearen egitura
    Iraupena: gakots edo letra bat ekartzen duen kapituluak sekuentzia bat osatzen du,
    eta sekuentzia batek aste bat irauten du.

Kapitulu bakoitz 2 parte badira:

  • eskuliburuko ustiapenak: 6 saio proposatuak dira (egunean 1 edo 2),
  • ikaslearen fitxak: ariketak.

Eskuliburuko ustiapenen saioak

  • Ipuinaren zati bat (irakasleak irakurririk).
  • Testua irakur ezazu: erreferentzia-hitzak daramatzan testu laburra.
  • Gakotsak lagunak ditu: hitz-errepertorioa.
  • Entzun ezazu: hotsa, silabak.
  • Entzun eta idatz ezazu: silabak hitzetan, silaba jokoak, hitz berriak.
  • Irakur ezazu: hitzak, erranaldiak, testu berriak.
  • Hizkuntza azter ezazu: gramatikako lehen urratsak (“-n”: zeruan)
  • Kantuak eta olerkiak.

Ikaslearen fitxak

  • Testua irakur ezazu: ulermena lantzeko ariketak.
  • Entzun ezazu: hots eta silabetan oinarritu ariketak.
  • Entzun eta idatz ezazu: silabak idaztea.
  • Idatz ezazu: silaba jokoak, grafia, hitzak eta gero erranaldiak idaztea.
  • Irakur eta idatz ezazu: hitzak, erranaldiak eta testuak ekoiztea.
  • Hizkuntza azter ezazu: lehen urratsak.

Bigarren partea

Otsaila inguruan, Ana eta Gakotsak ipuinean oinarritu lana bukatutzat ematen dugu.
Hortik landa metodoaren egitura aldatzen da.
Bigarren parte horretan lau gai dira: Inauteriak, Familia, Udaberria eta Itsasoa.
Gai bakoitzean, ipuin bat, dokumentuak eta kantu/olerkiak aurkitzen dira.

Inauteriak
Ipuina: Hartzaren xilintxa , 4 zatitan, ustiapenekin (eskuliburua + ariketa-fitxak).
Dokumentuak: errezeta, prentsa artikulu bat, Animaliak neguan informazio-dokumentua, kantua, olerkia.

Familia
Ipuina: Txirulina , 3 zatitan, ustiapenekin (eskuliburua + ariketa fitxak).
Dokumentuak: Pettanen eta Lukasen familiak (familiaren zuhaitza), Munduko haurrak
informazio-dokumentua, olerkia, asmakizunak.

Udaberria
Ipuina: Eguzki-lilia , 3 zatitan, ustiapenekin (eskuliburua + ariketa fitxak).
Dokumentuak: Erleak informazio-dokumentua, Van Gogh, kantua, olerkia.

Itsasoa
Ipuina: Jone atun arrantzan , 3 zatitan, ustiapenekin (eskuliburua + ariketa fitxak).
Dokumentuak: Atun arrantza eta Itsasbazterretik informazio-dokumentuak, Matisse,
kantua, olerkia, asmakizuna.

  • Urraspidearen egitura
    Eskuliburuko ustiapenen saioak:
    • Testua irakur ezazu: ipuinaren zati bat.
    • Testua uler ezazu: testua ulertzeko jarduera.
    • Hitz berriak ezagut eta uler itzazu.
    • Hitz multzoak irakur itzazu: irakurketa jarioa hobetzea.
    • Erranaldi berriak irakur itzazu: erranaldi ezezagunak irakurtzen trebatzea.
    • Idatz ezazu: idatzizko ekoizpena (gertakari bat konta, irudi bat deskriba, etab.).
    • Hizkuntza azter ezazu: hizkuntzaren egitura lantzea.
    • Irakurtzen treba zaitez: kodea indartzea.

Ikaslearen fitxak

    • Testua uler ezazu: ariketak (kronologia, ulermena, inplizitua dena, etab.).
    • Xerka ezazu: testuaren joskera eta hiztegia lantzea.
    • Idatz ezazu: idatzizko ekoizpena sustatzea (irudiei doazkien hitzak idatzi,
      segida asmatu, irudi bat deskribatu, etab.).
    • Hizkuntza azter ezazu: gramatika ariketak.

Sarean

http://euskalirratiak.eus/euskalra-material-pedagogiko-berria.html
Euskara Eskuliburuak Fitxategiak PDF CP - 1. urtea 2. Zikloa

© IKAS 2017