Berdina (berdin + a artikulua)

Berdin adjektiboaren^? erabiltzeko, itxura bereko izaki edo gauzakiak izan behar dira.

✅ Ikerrek eta Josebak auto berdinak erosi dituzte.

Bera (ber + a artikulua)

Ber adjektiboak izaki, gauzaki edo kontzeptu bakarraren erreferentzia erakusten digu:

✅ Maiana eta Joana auto berean joan dira ezteietara. (auto bakar bat)
✅ Anek eta Jonek film bera ikusi dute zineman.
✅ Bi lagunek lotoan zenbaki berak jokatu dituzte.
❌ Bi lagunek lotoan zenbaki berdinak jokatu dituzte.
✅ Lagun berak ikusi ditugu egun hauetan.
❌ Lagun berdinak ikusi ditugu egun hauetan.

Ber adjektiboa izena baino lehen idatz daiteke:

✅ Ber lagunak ikusi ditugu egun hauetan.
✅ Ber harginek egin dituzte etxe horiek.

Jenofa eta Maiana auto berean joan ziren ezteietara (auto bakar bat).
Ustekabean soineko berdinak jantziak zituzten
(bi soineko beraz).

Bi karratu (2 gauzaki) hauek berdinak dira haien aldeek neurri bera (kontzeptu bat) baitute: 3 cm.