Sinboloak eta laburdurak: deklinabide markarik?

Sinboloak punturik gabe idazten dira, eta deklinabide^? markak hartzen dituzte.

✅ 7 cm-ko luzera.
✅ 1 €-ko txanpona.

Laburdurak puntuarekin idazten dira eta deklinabide markarik ez dute hartzen.

✅ K.a. 742. urtean.
❌ K.a.-ko 742. urtean.

Zer diren
Jakintza alorretako laburdurak edo zeinu grafikoak dira, nazioartean finkatuak, eta gehienetan neurriak adierazten dituzte.
Nola idatz
Punturik gabe idazten dira.
Zifraz idatzi zenbakia daramate lehenik. Beraz: zenbakia + sinboloa.
Bien artean tartea utzi behar da, adibidez:

4 h 40 min 15 s
Noiz erabil
Testu barnean komunzki sinbolorik ez da erabiltzen:

✅ Bidaia 550 euro kostatu zaigu.
❗️Bidaia 550 € kostatu zaigu.
- Denborako minutu eta segundoak eta geometriakoak —angeluen neurriak— ez dira berdin adierazten.
  
  Denbora: 3 h 30 min 15 s
  Angeluak: 3º 30’ 15’’

Laburdurak puntuarekin idazten dira, adibidez:

sing. (singularra)

Baina vs (versus) eta tartean zehar marra dutenak, punturik gabe:

Euskalkiak vs euskara batua
Laburdurak ez dira deklinatzen. Adibidez:

✅ K.a. 742. urtean.
❌ K.a.-ko 742. urtean.

Gaiaren barnatzeko:

Berriaren estilo liburua
https://www.berria.eus/estiloliburua/eliburua/ortotipografia#226

Artikuluari erantzun

Iruzkinak jarraitu: |