✅ Bihar edo etzi etorriko da gurekin afaltzera.

✅ Ez dakit bihar ala etzi jinen den.

Eta galdera izanez geroz, ’ala’ erabiltzen da:

✅ Zer nahiago duzu: kafea ala txokolatea?

Kasu! Galdera guzietan ez da ’ala’ erabiltzen, aukera galderetan baizik. Adibidez, kasu honetan, galdera proportzioaz da, ez joateko maneraz:

❌ Ikasleen zer proportzio joaten da kolegiora autobusez ala
oinez?
✅ Ikasleen zer proportzio joaten da kolegiora autobusez edo
oinez?
(fr.: Quelle est la proportion des élèves qui viennent au collège en bus ou à pied ?)

✅ Berdin zait egin dezaten irri ala negar, ene eginbidea egin dut.
✅ (Izan daitezen) autozain ala motodun, zaluegi ibilki dira.

Testuinguru horretan, ’zein’ ere erabil daiteke.

✅ Autozain zein motodun, zaluegi ibilki dira.