Nola

Nola da? galdatzen delarik, subjektuaren egoeraz egiten da galdea. Ihardespena, ongi, eri, fleitean, azkarrean, etab. izan daiteke. Nola adberbio da orduan, aditzari doakion nola galde-hitza.

Nolakoa

Nolakoa da? galdatzen delarik, izaeraz egiten da galdea. Ihardespena, handia, ttipia, bortitza, biziki argia, etab. izan daiteke. Nolako adjektibo gisa baliatua da orduan, zuzenkiago erranez izenlagun^? gisa. Izenari doakio orduan nolako galde-hitza.

Eman dezagun bi lagun solasean ari direla, eta Peio dutela mintzagaia^?. Biek Peio ezagutzen baldin badute, batak besteari galdatzen ahalko dio, Peioren berrien jakiteko: Nola da Peio?

Aldiz, Peio bi lagunetarik batek baizik ez badu ezagutzen, besteak galdatzen ahalko dio:

✅ Beti Peio horretaz mintzo zara. Erradazu, bada, nolakoa den.

Orduan galdetzaileak ez du Peioren berririk galdegiten. Izaeraz nolakoa den, hots nolako gizona den jakin nahi du.

Oharra:
Nolako galde hitza maiz izenlagun gisa baliatzen da, izen bat laguntzen duelarik:

✅ Nolako liburua erosi duzu?
✅ Nolako eskola da zurea?
✅ Nolako autoa erosi gogo duzu?

Hiru adibide horietan nolako hitzak liburu, eskola, eta auto izenak laguntzen ditu. Testuinguru horietan nola ezin balia daiteke.