Lau soineko

Urteak ditu lau soineko
sasoika dantzaz aldatzeko
Loreduna udaberriko
Eguzkitsua udako

Urteak ditu lau soineko
sasoika dantzaz aldatzeko
Urrezkoa udazkeneko
Zuri-zuria neguko 

Barnetik: Haur kantuak / Josiane Aguerre-Valencia

Noiztenka

Noiztenka triste
Noiztenka alai
Noiztenka irrigarri 
Eta beti uros! 

Noiztenka urduri
Noiztenka zainetan
Noiztenka beldurti
Baina sekula ez haserre! 

Barnetik: Haur kantuak / Josiane Aguerre-Valencia

Itsasoa

Nor zira, itsas adiskidea? 

Egun batez haserre gorrian, 
Hor zira haguna ezpainetan,
Ostiko, marruma eta txistu,
Bazter guziak nahiz xehatu. 

Gero dena xurxura eta keinu,
Denak nahiz zureganat bildu,
Hor zira goxoki ari kantuz,
Eztiki hariña milikatuz. 

Nor zira, itsas hain sanjakorra?
Guretzat etsai gizon jalea, 
Ala adiskide bat segurra? 
Zer lotsa, zer latza, zer galdea! 

Marijan Minaberriren meategitik / Marijane Minaberri

Asuna

Osasunaren asunak
erremin eta azkura jasanezin
bizirik bai baina mina min...
bizinahia bizimin.

Oihane Jaka Hatsaren Poesia – Olerki Bilduma 2019

HITZA

Hitzaren giltza
hitzaren giltza
ahoa ireki
eta elkarrekin mintza.

Pello Añorga

SAGUXARRA

Saguxar zahar
Saguxar zahar
argia eraman
eta iluna ekar.

Pello Añorga

Ikus 2019ko urtarrileko Olerkia “Amets berriak asmatzeko”
IKASOLAS