Sasiolako errotaria. Ramon Olasagasti Aiestaran, Egilea; Xabier Sagasta, Irudigilea. -Erein, 2018.

Sasiolako errotarian, mamurik ote da? Eta Ander gazteak misterio hori argituko ote du, beste batzuen partetik jasaten dituen gaiztakeriak gainditurik?
Eleberriak bi istorio josten ditu, biak parez-pare direla. Bata gaur egungoa, Ander protagonistak kontaturik, bestea 50 hamarkadan gertatu zena. Abentura, beldurra, adiskidetasuna dira kontakizunaren osagaiak^?. Alabaina, gai nagusia bullyinga edo jazarpena da, erran nahi baitu belaunaldi guzietan kalteak egiten dituen jarrera onartezina.
Hamalau kapituluak laburrak dira, elkarrizketa anitzekin. Segitzeko gogoarekin irakurtzen dira, jakin-mina pizten duelako narratzaileak.
Bistan dena, plazerez irakur daiteke liburua. Horrez gain, ikuspuntu didaktikoa harturik, gazteen arteko harremanen lantzeko proiektu baten oinarri gisa erabil dezakete irakasleek. Hizkuntza mailan ere interesgarria da, besteak beste toka-noka formen barneratzeko, modu naturalean erabiltzen dutelako protagonistek (bai toka, bai noka...) edo, zergatik ez, irainen eremua semantikoaren lantzeko...
Hamaika urte inguruko gazteentzat egokiak diren liburuak ez dira hain ugari euskarazko literaturan baina Sasiolako errotaria liburua haietarik da eta anitz irakurleri gustatzeko manerakoa da.
http://pmb.ldd.fr/ikas/opac_css/index.php?lvl=notice_display&id=35046

Ikus 2019ko urtarrileko erakusleihoa: Erakusleihoa - Emiliren Desabenturak
IKASOLAS