Formakuntza eta egitasmoak
UEUko Udako Ikastaroak
Baionan izanen diren formakuntzak:
Sormena lantzen: idatz dezagun ipuin laburra. Uztailaren 1ean eta 2an
Antzerki fisikoa. Neutraltasuna landuz, bereizten gaituenaren bila. Uztailaren 1ean eta 2an
W. von Humboldt gurean: hizkuntza, kultura, herria. Uztailaren 2an eta 3an
Informatika desentxufatua: posible da informatika ikastea gailu digitalik gabe? Uztailaren 2an eta 3an
Euskara gaitasuna lantzen: Euskara Batuaren Eskuliburua eta Terminologia. Uztailaren 3an
Euskaraz beti eta hobeki, hizkuntza landuz. Uztailaren 2an
’’Garelako, zer izan nahi dugu?’’ Uztailaren 1ean eta 2an
Eskaintza osoa ikusteko: www.ueu.eus/ikasi/udako-ikastaroak
— > izen ematea maiatzaren 13tik goiti

IkerGazte2019: Baionan!
IkerGazte euskal ikerlari gazteen kongresua da. Euskal komunitate zientifiko-intelektuala trinkotzeko asmoz bi urtetarik antolatzen du Udako Euskal Unibertsitateak. Lehena Durangon iragan zen 2015ean eta ondokoa Iruñean. Aurten, Baionan izan da maiatzaren 27, 28 eta 29an.

Ziburuko euskal liburu eta disko azoka
Ekainaren 1ean larunbatarekin, 11:00etatik 20:00ak arte, Ziburuko pilota plazan, Baltsan elkarteak eta Argia astekariak Euskal liburu eta disko azoka antolatzen dute. Ikasek parte hartuko du, beste 16 argitaletxerekin.

Tresnak
Anki: hizkuntza lantzeko aplikazioa eta logiziela
Anki, memoria karta errepikapenaren bidez lantzeko programa libro da. Bakoitzak bere kartak sortzen ahal ditu, edo beste batzuek eginak telekargatzen ahal ditu interneten, mugikorretan eta ordenagailuetan erabiltzeko. Anki = Memorizazioa japoniarrez
Aurkezpen bat (frantsesez): https://apps.ankiweb.net/docs/manual.fr.html
(Telekargatzeko, Store delakoetan “Anki” eman ezazu.)

Text Fairy (OCR Text Scanner): letren ezagutzeko aplikazioa
Testu bat argazkitan harturik, aplikazioak hitzak ezagutuko ditu eta berridatziko ditu hainbat hizkuntzatan, euskara barne. (Telekargatzeko, Store delakoetan “Text Fairy” eman ezazu.)

BigBlueButton
BigBlueButton bideo eta audio-konferentziak egiteko web-aplikazioa da. Zerbitzari batean instala daiteke. Hainbat LMS edo Ikaskuntzarako Ingurune Birtualetan plugin moduan integratua da, besteak beste Moodlen. Haren bidez bideo-eskolak eman, eri diren ikasleak artatu, urruneko laguntza teknikoa eman eta bideo-konferentzia edo bilkurak egin daitezke. Leiho nagusiak hauek dira: erabiltzaileen moderazioa, partekatutako oharrak, inkesta, txat-publikoa, web-kamera, pantaila partekatzea, arbela eta aurkezpenak. bigbluebutton.org
Rol nagusiak hauek dira: moderatzailea, aurkezlea eta ikuslea.

Mastodon: euskarazko sare soziala
mastodon.eus euskararen eta euskal kulturaren komunitatearentzat sortutako Mastodon sare sozialeko euskarazko instantzia bat da.
https://mastodon.eus

IKASOLAS