Txakur bat erosi dut
Txaloka aritzeko kantua - CPtik CM2raino - Aiherran
🎤 Irakaslearen hitza
« Txakur bat erosi dut » kantutik abiatuz, ikasleeri euskarazko esku-joko berri baten sortzea proposatu diet. Hau, ikasleen helburua zen. Ene aldetik, Euskara gelatik kanpo atearaztea eta haurreri euskaraz jostatzeko eta mintzatzeko aukera berri baten eskaintzea nituen helburu. Lehenik, kantua entzunarazi diet. Hitzen erran nahia elgarrekin azaldu dugu eta kantua ikasi dugu. Ondotik, heien artean esku-joko bat sortu behar zuten. Talde bakotxak zerbait proposatu du eta denen arteko nahasketa bat egin dute proposamen amankomun baten aurkezteko. Nahi zuten manera erabiltzen uztea garrantzitsua atxeman dut, haurrek baitute sortu eta ondorioz interes gehiago sortu duelako. Adosteko denboran, eztabaida ttipiak sortu dira bainan denen iritziak entzunez eta errespetatuz lortu dute eta hori dena euskaraz! Jostaldi denboretan trebatu dira eta filmatu ditut. Gure bideoak zabaldu ditugu eta beste eskoletako bideo batzuen beha gira joko berri batzuen ezagutza egiteko. Lehen entsegu hori biziki baikorra izan da, haurrek noiz nahi erabiltzen baitute: jostaldi denboretan, etxean, eskolako ateraldietan, autobusean, … Ondorioz, helburua gainditua dela erran nezake!
Maitena
🖋Hitzak
| Txa-kur-bat-e-ro-si-dut Txakur bat erosi dut uau, uau, uau, merke azokan zikina zegoela, zikina zegoela, eta sartu dut baineran. |
Uau, uau, uau, uau, txakur bat erosi dut merke azokan, uau, uau, uau, uau, txakur bat erosi dut merke azokan. |
Baineran sartu eta uau, uau, uau, dabil uretan, trago bat egin eta, trago bat egin eta kasik ito zait baineran. Uau, uau, uau, uau... Imanol Urbieta - Anjel Lertxundi |