Berri adjektiboak^? duela guti sortua, agertua edo gertatua adierazten du, hots, ordu arte ez zena (1, 2); edo lehengoaren orde heldu dena (3).

(1) ✅ Herriko Etxeak ez dio Stefani etxe berririk egiteko baimenik eman.
(= Etxearen eraikitzeko baimena.)
(2) ✅ Unama taldeak disko berri bat atera du.
(= Proiektu musikalaren berritasuna agerian ematen da.)
(3) ✅ Zure auto berria, berria da ala bigarren eskukoa?

Beste adjektiboa aipagai den gauza edo izaki baten gisako bat agerian emateko erabiltzen da:

• mota bereko bi gauza edo izakiren artean zeinetaz ari garen zehazten du (1, 2);
  
• ordu arte zena ordezkatzen du (3);
  
• ordu artekoari mota bereko gauza edo izaki bat gehitu zaiola adierazteko ere erabil daiteke (4,5).
  

  (1) ✅ Stefanek beste etxe bat erosi du. (= ez erakutsi didazun hura, beste bat)
  (2) ✅ Maitane beste anaiarekin jin zen. (= Pettanekin, ez aipatu berri dugun Anttonekin).
  (3) ✅ Xabik beste andre batekin ezkontzea erabaki du. (= lehenago zuen ezkongaia arbuiatuz)
  (4) ✅ Stefanek beste etxe bat erosi du. (= lehenagotik zuenaz/zituenez gain –zaharra izan ala berria–)
  (5) ✅ Margaritak beste haur bat ukan du. (= lehenagotik zuenaz/zituenez gain)

  
  

  

  
  
  Gai abstraktuez ari izanez gero, beste eta berriren arteko bereizketa testuinguruaren arabera heldu da. Horra bilkura egoerako adibide bat:
  

  ✅ Biltzarkideek beste ideiarik bazuten. (= kasu honetan uler daiteke proposatu izan zaizkienez gain).
  ✅ Eta gainera ideia berriak ekarri dituzte. (= erran nahi baitu usaiaz kanpokoak, ordu arte agertu ez direnak)