Haurrentzat

Txiki Bidaiak
Bidaiatu - Bidaiatzea eta beste toki batzuk ezagutzea abentura kilikagarria da! Eta munduaren ezagutzeko modu berezia eta dibertigarria ere, jakina!
Ezagutu - Bidaiak eginez, beste hizkuntza batzuk, bestelako jakiak, eraikin zoragarriak, altxorrez beteriko museoak, lorategi liluragarriak, ohitura bereziak eta beste hainbat gauza ezagutzen ahalko dituzu!
Gozatu - Ahal izanez gero, bidaian argazkiak ateratzea eta bidaia liburuxka bat eramatea komeni da, mundua ezagutzeko abentura liluragarri horren xehetasun guztiak atxikitzeko!
https://www.txikibidaiak.com/

Esperimentuak
Haurrek fisikaren oinarrizko printzipio batzuk ikasteko modurik hoberena esperimentu errazak egitea da. Dibertituko dira esperimentuak eginez, eta, aldi berean, fenomeno jakin batzuk nola gertatzen diren ulertzen hasiko dira. Webgune honetan badira haurrek etxen egiteko era askotako esperimentuak. Horrela, Fisikaren eta Kimikaren oinarrizko nozio batzuk ikasiko dituzte haurrek, modu atsegin eta dibertigarrian. Etxen nahiz eskolan egiteko egokiak dira. Familian denbora pasa atsegina eta zientzia modu dibertigarrian ikasteko era bikaina da.
http://www.esperimentuak.eus/

Proposamen gehiago hemen

Irakasleentzat - denentzat

Edukalboan.org
Edukalboan.org online komunitateak helburu hau du: hezitzaileen laguntzea, hezkuntza formalaren eta jendarte- eta herri-hezkuntzaren bitartez gizartea eraldatzen eta herritartasun globala eraikitzen. Herritartasun kritiko eta parte-hartzailea sustatzeko ahaleginean, baliabide pedagogikoak eta ekintza-proposamenak prestatzen ditu komunitateak. Gaiak askotarikoak dira: besteak beste, kulturartekotasuna, migratzaileak eta errefuxiatuak, hezkidetza, ekologia eta ingurumena.

Booktegi.eus
Booktegi.eus-en, mota guztietako euskarazko liburuak aurkitzen dira dohainik, gazte literaturako liburuak eta liburu audioak barne.
IKASOLAS