ezinezkoa
ostadarra ikustea
euririk gabe
Tantaka, Peru Magdalena, Bale zuria, 2021

txoriak hegan
zerua aldatzen da
etengabean
Tantaka, Peru Magdalena, Bale zuria, 2021

kantu ederra
txori ikusezina
baso erdian
Tantaka, Peru Magdalena, Bale zuria, 2021

Alai eta lasai

Garai batean
laino artean
ezkutatu nintzen
ekaitzetik ihesi.

Baina
zure filarmonikaren do re mi-ak
udako arratsalde beroan geundela
biok
gogorarazi zidan.

Egun
Udazken koloreak
ortziarekin jolasean daude.

Ni, aldiz,
hemen
zuren ondoan
alai eta lasai

Ezkutuan dagoena Marisa Arruabarrena Elizalde, Maiatz, 2020.

Egun arrunt bateko
iluntze arrosa,
niretzat lerrokatzen
denean kosmosa...
Espero ez dena da
plazer baliosa...

Poza / Uxue Alberdi, Eider Eibar, Elkar, 2018

Tan, tan!
Nor da?
Deabrua!
Itxi, itxi!

Tan, ten!
Nor da?
Maitagarri bat!
Ireki, ireki!

Tan, tin!
Nor da?
Otsoa!
Itxi, itxi!

Tan, ton!
Nor da?
Ama!
Ireki, ireki!

Tan, ton!
Nor da?
Goizalba!
Itxi! Ez ireki!

J.K. Igerabide, Nire gorputzean bizi naiz, Ikaselkar, 2020

2021eko otsaileko Poesia nahas-mahas adin guzientzat... Gauerdian leunki dabil brisara arina
IKASOLAS